Tarıh • 22 Sáýir, 2021

Saraıshyqtyń ornyn saqtaý múmkindigi azaıyp barady

34 ret kórsetildi

Senator Ǵumar Dúısembaev kóne Saraıshyq qalasyn saqtaý jáne ony týrıstik nysanǵa aınaldyrý máselesine memlekettik deńgeıde kóńil bóliný kerektigin aıtyp, Premer-Mınıstrdiń atyna depýtattyq saýal joldady, dep habarlaıdy Egemen.kz.

Senator 1996-2006 jyldary belgili arheolog Zeınolla Samashevtiń jetekshiligimen júrgizilgen qazbalardan keıin HIV ǵasyrda salynǵan 40 shaqty bólmeden turatyn keshendi saraı ǵımaraty ashylǵanyn, alaıda ony mýzeıge aınaldyrý jumysy áli kúnge deıin júrgizilmegenine nazar aýdardy. Qala ústinde musylman zıraty jáne Eski Saraıshyq aýylynyń jeke menshiktegi jerleri bar úıler ornalasqan.

Depýtattyń aıtýynsha, búginde Eski Saraıshyq aýylynda 90 úı bar. Aýyl turǵyndaryn basqa jerge kóshirý máselesi jıi kóterilip júrgenimen, áli kúnge deıin naqty jumystar qolǵa alynbaǵan jáne oǵan bıýdjette qarjy da qarastyrylmaǵan.

«Tarıhı eskertkishtiń negizgi sulbasyn saqtap, halyq ıgiligine aınaldyrý kezek kúttirmeıtin másele. Sebebi Saraıshyq qalasynyń ornyn saqtaý múmkindigi jyldan jylǵa azaıa beredi. Ortaǵasyrlyq shahardaǵy qazba jumystaryna qarjyny búginge deıin Atyraý oblysy ákimdigi bólip keldi. Endigi jerde respýblıkalyq mekeme jumysyna respýblıkalyq bıýdjetten josparly túrde qarjy bólý qajet. Aıtylǵandardy eskere otyryp, Saraıshyqty saqtap qana qoımaı, ǵylymı-zertteý jumystaryn júrgizý jáne ony týrıstik aımaqqa aınaldyrý úshin arnaıy baǵdarlama daıyndaýdy usynamyz», dedi Ǵumar Dúısembaev.

Sońǵy jańalyqtar

Shýchede jańa sport kesheni salynady

Aımaqtar • Búgin, 18:59

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar