Qazaqstan • 22 Sáýir, 2021

Veterınarlar qartaıyp barady

51 ret kórsetildi

Senator Muhtar Jumaǵazıev jumys prosesiniń tómen deńgeıde uıymdastyrylýy, eńbek etýge qarapaıym jaǵdaıdyń jasalmaýy, materıaldyq-tehnıkalyq bazanyń jetkiliksizdigi, jalaqynyń tómendigi veterınar mamandardyń qyzmet etýge yntasynyń azaıýyna áser etetinin aıtyp, Úkimet basshysyna depýtattyq saýal joldady, dep habarlaıdy Egemen.kz.

Depýtat keltirgen aqparatqa saı, veterınarlyq stansalardyń basym kópshiligi mamandardyń jeke úıinde, jalǵa alynǵan ǵımarattarda ornalasqan.

Osy saladaǵy mamandardyń orta jasy 50-55, keıde tipti 59 jasqa jetip qalǵanyn eskere otyryp, depýtat Premer-Mınıstrdiń birinshi orynbasarynyń jergilikti deńgeıdegi kvazımemlekettik sektor qyzmetkerleriniń sanyn 25 paıyzǵa qysqartý tapsyrmasymen veterınarlardy qysqartýdy belsendi júzege asyrylýyn synǵa aldy.

Senatordyń aıtýynsha, bul mamandyqtyń bolashaǵy týraly aqparat ta kóńil qýantpaıdy. «Bolashaq» baǵdarlamasymen osy salada 12 adam ǵana shet elderde oqyǵan. Olardyń basym bóligi mamandyq boıynsha jumysqa ornalaspaǵan. Eldegi JOO veterınarııa boıynsha túlekterdiń jumysqa ornalasýy 2018 jyly 79 paıyz bolsa, 2020 jyly 50,3 paıyzdy quraǵan.

«Dıplommen – aýylǵa» memlekettik baǵdarlamasynda qoıylǵan maqsattardy iske asyrý sharalary eshqandaı syn kótermeıdi. Sońǵy 5 jylda osy baǵdarlama aıasynda 1875 jas maman jumysqa ornalasqan. Olarǵa aýylda jumys isteýge qajetti jaǵdaı jasalsa, qyzmettik turǵyn úıler berilip, áleýmettik jeńildikter qarastyrylsa, materıaldyq-tehnıkalyq baza kúsheıtilse – kadr máselesi óz sheshimin tapqan bolar edi», dedi Muhtar Jumaǵazıev.

Senator óz saýalynda agroónerkásiptik keshen úshin kadr daıarlaýǵa memlekettik bilim berý tapsyrysyn qalyptastyrý boıynsha quzyretti Bilim jáne ǵylym mınıstrliginen alyp, Aýyl sharýashylyǵy mınıstrligine berý qajettigine nazar aýdardy. Osy mamandyq boıynsha aýyl jastary úshin granttar sanyn arttyryp, veterınarlardyń jalaqysyn ósirý, olardyń materıaldyq-tehnıkalyq jabdyqtaryn jetildirý máseleleriniń ózektiligin de atap ótti.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar