Qazaqstan • 22 Sáýir, 2021

Otandyq QazVac vaksınasynyń alǵashqy partııasy paıdalanýǵa berildi

45 ret kórsetildi

Búgin QR Premer-Mınıstriniń orynbasary Eraly Toǵjanov Bıologııalyq qaýipsizdik problemalary ǵylymı-zertteý ınstıtýty bazasynda óndirilgen QazVac (QazCovid-in) qazaqstandyq vaksınasynyń birinshi partııasynyń jóneltilýine qatysty jáne Jambyl oblysy Qordaı aýdany Gvardeıskıı kentindegi bıofarmasevtıka zaýytynyń salyný barysymen tanysty, dep habarlaıdy Egemen.kz.

«Qazaqstandyq vaksınanyń jasalýy bizdiń elimizdiń koronavırýs ınfeksııasyna qarsy óz vaksınalaryn ázirlegen álemniń bes eliniń qataryna enýine múmkindik berdi. Bul tek halyqtyń densaýlyǵyna ǵana qatysty másele emes, sondaı-aq otandyq ǵylymnyń áleýeti men bıofarmasevtıkada zamanaýı tehnologııalardy is júzinde qoldanýdyń, memlekettiń bedeliniń dáleli», dedi Eraly Toǵjanov.

О́tken jyldyń qazan aıynda Qazaqstan Prezıdenti Qasym-Jomart Toqaev otandyq vaksınany jasaý boıynsha naqty tapsyrmalar bergen bolatyn.

Vıse-premer Memleket basshysynyń qazaqstandyq vaksınany shyǵarý jónindegi barlyq tapsyrmalary Úkimettiń erekshe baqylaýynda ekenin jáne vaksınanyń birinshi partııasynyń búgingi shyǵarylýy olardyń is júzinde oryndalǵanyn aıǵaqtaıtynyn atap ótti.

«QazVac» vaksınasynyń alǵashqy 50 myń dozasy «SQ-Farmasııanyń» habtaryna taratylyp, odan ári elimizdiń barlyq óńirlerindegi densaýlyq saqtaý basqarmalarynyń qoımalaryna jetkiziletin bolady.

Bıyl 26 sáýirde halyqty «QazVac» vaksınasymen vaksınasııalaý bastalady. Mamyr aıynda 50 myń doza kólemindegi vaksınanyń kezekti partııasyn shyǵarý josparlanýda. Budan ári vaksına óndirisi kezeń-kezeńmen aıyna 500-600 myń dozaǵa deıin ulǵaıtylatyn bolady.

Otandyq vaksına Dúnıejúzilik densaýlyq saqtaý uıymynyń tizilimine engizilgen. Onyń tolyq qaýipsizdigi dáleldendi, vaksına koronavırýs ınfeksııasyna qarsy turaqty ımmýnıtetti qalyptastyrady. Inaktıvtendirilgen vaksınanyń artyqshylyǵy, ol vaksınamen baılanysty aýrýlardy týdyrmaıdy. Budan basqa, «QazVac» vaksınasyn jetkizý ádisteri kúrdeli tońazytqysh qondyrǵylaryn talap etpeıdi, olar tońazytqyshta +2-8 gradýs temperatýrada tasymaldanady.

Sondaı-aq, E. Toǵjanov jumys sapary kezinde Bıologııalyq qaýipsizdik problemalary ǵylymı-zertteý ınstıtýty janyndaǵy bıofarmasevtıka zaýytynyń qurylysy barysymen tanysty. Qazirgi ýaqytta onda qurylys-jóndeý jáne árleý jumystary aıaqtaldy. Injenerlik jelilerge qosý arqyly jabdyqtardy montajdaý, qosý-baptaý jáne iske qosý boıynsha jumystar júrgizilýde. Bıyl naýryzda zertteýdiń GMP standarttaryna sáıkestigi týraly oń qorytyndysy (DQ) alyndy.

Kelesi qadam – ​​​​valıdasııany júzege asyrý jáne GMP halyqaralyq standartynyń sertıfıkatyn alý. Osy maqsattar úshin «Atabaı» túrik kompanııasy tartyldy. Obektini aralaý qorytyndysy boıynsha vıse-premer oǵan oń baǵa berip, Memleket basshysynyń tapsyrmasyna sáıkes otandyq vaksına óndiretin zaýyt qurylysy belgilengen merzimde júrgizilip jatqanyn atap ótti.

Bıofarmasevtıka zaýyty iske qosylǵannan keıin onyń bazasynda «QazVac» vaksınasyn óndirý jalǵasady.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar