Aımaqtar • 22 Sáýir, 2021

Jambyl oblysynda kólik urlyǵy 40 paıyzǵa azaıǵan

18 ret kórsetildi

Kólik urlyǵy elimizdegi eń kúrdeli máseleniń biri. Sonymen qatar, qymbat kólikterdiń túrli bólshekterin urlaý da qoǵam úshin qaýipti qubylys bolyp otyr. Mundaı másele Jambyl oblysynda da bar. Alaıda, 2021 jyldyń úsh aıynda óńirde kólik urlyǵy ótken jyldyń osy kezeńimen salystyrǵanda 40 paıyzǵa azaıǵan.

Jambyl oblystyq polısııa departamentiniń bastyǵy, general-maıor Janat Súleımenovtiń aıtýynsha, atalǵan qylmys túri júrgizilgen keshendi jedel-profılaktıkalyq is-sharalardyń nátıjesinde tómendegen. Biraq, óńirdiń bas polıseıi oblys turǵyndaryna saqtyq sharalaryn umytpaý kerektigin eskertedi.

«Kóbinese avtokólikter túngi ýaqytta turǵyn úılerdiń mańaıyndaǵy turaqtarda urlanady. Qylmyskerler kólikke esigin buzý nemese terezesin syndyrý arqyly kiredi. Máselen, jýyrda Taraz qalasynyń turǵyny úıiniń janynda turǵan kóliginiń urlanǵany týraly habarlady. Oqıǵa ornyna kelgen jedel-tergeý toby qylmyskerlerdiń kólik salonyna esikti buzý arqyly kirgenin anyqtady. Polıseıler izin sýytpaı tarazdyq eki turǵyndy qolǵa túsirdi. Olar óz kinásin tolyq moıyndady. Kúdiktiler avtokólikti bólshektep satýdy josparlaǵan. Osy oraıda, avtokólikterdi urlaýǵa jol bermeý sharalary týraly eske salǵym keledi», deıdi Janat Súleımenov.

Sondaı-aq, general-maıor turǵyndarǵa kólikti urlyqtan qorǵaýdyń birneshe ádisi bar ekenin aıtady. «Aıdap áketýge qarsy júıe men dabyl qurylǵysyn ornatyńyz. Keshke jáne túnde avtokólikterdi jaqsy jaryqtandyrylǵan oryndarǵa jáne kórinetin jerlerge qoıý kerek. Aqyly kúzetiletin turaqtardy qoldanyńyz. Kólikte qylmyskerlerdiń nazaryn aýdaratyn zattardy qaldyrmańyz», deıdi ol.

Sońǵy jańalyqtar

Boryshymdy abyroımen ótesem deımin

Rýhanııat • Búgin, 07:43

Ardagerler azaıyp bara jatyr...

Qazaqstan • Búgin, 07:38

Elbasy jáne Qazaqstan armııasy

Elbasy • Búgin, 07:36

«Tumardyń» jeńimpazdary anyqtaldy

Oqıǵa • Búgin, 07:33

Toǵanas batyr týraly tolǵanys

Tarıh • Búgin, 07:21

Almaty qalasynda jer silkindi

Aımaqtar • Keshe

Uqsas jańalyqtar