Memleket basshysynyń aıtýynsha, 2019 jyldan bastap búkil elimiz boıynsha osy maqsatqa jyl saıyn respýblıkalyq bıýdjetten 50 mıllıard teńge bólinýde. Jol qurylysyna jáne ony jóndeýge jergilikti bıýdjetten de qarjy jumsalady. Nátıje joq dep aıtýǵa bolady. Jóndelgen joldyń kóbi bir jyl ótpeı jaramsyz bolyp qalady. Muny ashyq aıtý kerek.
– Merdigerler ózderiniń kepildi mindettemelerin qalaı oryndap jatyr? Jalpy, osy jumysqa uzaq jyldar boıy tek belgili bir merdigerler ǵana qatysady. Bul suraqqa Úkimet jaýap berýi kerek. Memlekettiń tapsyrysyn oryndaımyn dep kelgen kez kelgen merdigerdiń basty mindeti – sapaly jumys. Sondyqtan, olarǵa qoıylatyn talap ta qatań bolýǵa tıis, – dep atap ótti Qasym-Jomart Toqaev.
