Aımaqtar • 23 Sáýir, 2021

Jarqaıyńnyń jomart jandary

2 ret kórsetildi

«Sary aımaqta» bir-aq táýlik bolǵan óńir qaıtadan jaman tumaýdyń bas kóterýine baılanysty «qyzyl aımaq» qataryna ótti. Karantındik sharalar ishinara kúsheıtilýde. Osyǵan oraı qamqorlyq sharalary da úzilmeýi tıis. Jaqsy mysal da az emes. Jarqaıyńnyń jomarttary qaıyrymdylyq qaǵıdattaryn sabaqtastyryp, ózgege ónege bolyp-aq tur.

El ishindegi jalǵyzilikti, qamqorlyqqa zárý adamdar qazir jalpyǵa ortaq qıyndyqpen betpe-bet kelgen kezderinde jalǵyz emes ekendikterin sezinýi kádimgideı qamkóńilge demeý. О́tken jyldyń basynan bastap qanatymen sý sepken qarlyǵashtaı óńirdegi kóp balaly otbasylaryn, múmkindigi shekteýli adamdardy qamqorlyqtaryna alyp, qaraılasqan eriktiler toby 194 shara ótkizgen eken. Onyń barlyǵy joǵaryda atalǵan topty áleýmettik jaǵynan úzdiksiz qoldap, qoltyǵynan demeý.

Jańa jyldan beri júrek jylýy sezilip turatyn mazmundy 20 shara ótkizilgen. Aıtalyq «Ardagerlerdi ardaqtaıyq» jobasy óte tıimdi bolǵanyn kópshilik aýzy­­nan tastamaı aıtyp otyr. Izgilik alaýymen nurlanǵan shara barysynda aýdandaǵy elýge tarta qarııaǵa qolushy berilipti. Eriktiler olardyń qysqa daıyndalýyna kómektesken. Otyndaryn jarǵan, kómirlerin tasyp bergen, baspanalary men qora-qopsysyn jóndegen. Al qaqaǵan qysta aýlalaryn qardan tazartqan, sý tasyp bergen. Densaýlyqtaryna baılanysty qarǵa adym jer attap basý muń bolyp otyrǵan qarııalar qolǵanatqa jaryp-aq qalǵan.

Karantın kezinde kásipkerler men halyq qalaýlylary el qınalyp qalmasynshy deıtuǵyn izgi nıettiler birlese otyryp, aýrýhanadaǵy jalǵyzilikti jandarǵa azyq-túlikteri men dári-dármekterin jetkizgen. Esepte turatyn sozylmaly syrqaty barlar da nazardan tys qalmapty.

Qazirgi zamanǵy tehnologııalyq múmkindik te birliktiń tamyry bekı túsýine septigin tıgizip otyr. Máselen, jarkain.live ınstragram jobasyn qolǵa alǵan Karına Shynbolat, Ádil Nurbekov, Pavel Stefanıýk tárizdi jastar arnaıy esepshot ashyp, qarjy jınaǵan. Nebári bir aıdyń ishinde 1 mln 300 myń teńge qarajat túsken. Janashyrlardan jınalǵan qarjy jaman tumaýmen alysyp jatqan aýrýhananyń kerek-jaraǵyna jumsalǵan. Osy arada eriktiler aýdan boıynsha ha­lyq­qa kómek kórsetý úshin 12 mln-ǵa taıaý qarajat jınaǵandyǵyn aıta ketýimiz kerek.

Nur Otan partııasynyń Jarqaıyń aýdandyq fılıaly ókilderi men eriktiler birlese otyryp, respýblıkalyq «Biz birgemiz» aksııasy aıasynda aýdandaǵy 440 otbasyna 7,5 mln teńge kóleminde kómek kórsetken.

Jastar resýrstyq ortalyǵy eriktilermen qoıan-qoltyq jumys istep, halyqty saqtandyrý baǵytynda qyrýar jumys atqardy. Qoǵamdyq jerlerde saqtyq sharalarynyń buljymaı oryndalýyn kózden tasa etken joq. Aýrýdyń aldyn alý baǵytyndaǵy is-sharalar onlaın túrinde udaıy júzege asyryldy.

Qazir aýdanda «Qaıyrymdy ister» estafetasy qolǵa alynǵan. Karantın sharasy kúsheıtilýine baılanysty qamqorlyqqa zárý jandar nazardan tys qalmaıtyn bolady.

 

Aqmola oblysy,

Jarqaıyń aýdany

 

Sońǵy jańalyqtar

Erlikke toly sýretter

Rýhanııat • Búgin, 13:05

Kıikterdiń tóldeý kezeńi bastaldy

Fotogalereıa • Búgin, 12:07

Qazaqstannyń altyn-valıýta qory ósti

Ekonomıka • Búgin, 12:02

Pavlodarda avtobýs baǵanǵa soǵyldy

Oqıǵa • Búgin, 09:54

Batys Qazaqstanda kıikter ólip jatyr

Aımaqtar • Búgin, 09:44

Uqsas jańalyqtar