Úkimet • 23 Sáýir, 2021

Memlekettik hatshy: Fermerler ótkizý naryqtaryna deldalsyz shyǵa alatyn bolýy tıis

10 ret kórsetildi

ýyl óndirýshileriniń qaryzdaryn kepildendirý jáne saqtandyrýdyń tıimdi júıesin qurý da ózekti másele. Bul týraly Jazylbek Qýanyshbaevtyń 125 jyldyǵyna arnalǵan «Qazaqstannyń qoı sharýashylyǵy: ótkeni, búgini jáne keleshegi» taqyrybyndaǵy konferensııada QR Memlekettik hatshysy Qyrymbek Kósherbaev aıtty, dep habarlaıdy Egemen.kz

«Álemdik órkenıettiń barlyq qundylyqtary, ekonomıkalyq jáne mádenı baılyqtar vırtýaldy qarjy ınstıtýttarymen emes adamnyń eńbegimen jasalady. Sondyqtan áleýmettik jańǵyrtý saıasatynyń negizine shynaıy óndiristik eńbektiń qoıylýy óte oryndy. Ata-babalarymyz eldiń kósegesi eńbekpen kógeretindigin, eńbek arqyly ǵana ushpaqqa shyǵýǵa bolatyndyǵyn urpaǵyna amanat retinde aıtyp ketkeni belgili. Halyqtyń ál-aýqaty jaqsarýy úshin eń áýeli sanaly, eńbekqor, kásip pen básekege beıim urpaq tárbıeleýimiz qajet. Bul úshin ádilettilik qaǵıdattaryn alǵa shyǵarý kerek. Eńbek sińirýden bastap, marapat berýge deıin memleket qana emes, qoǵamnyń da kózqarasy ádil bolǵany durys. Eń bastysy otandastarymyzdyń sanasyna eńbektiń qadiri men kásipqoılyq rýhyn sińirýge tıispiz. Adam ózine, óziniń kúsh-jigerine, bilimine senip, erinbeı eńbek etkende ǵana shynaıy baqytqa, mol dáýletke jete alatyndyǵyn uǵyndyrýymyz kerek. Sondaı-aq azamattardyń boıyna sondaı senim uıalata alýymyz qajet», dedi Memlekettik hatshy.

Memlekettik hatshynyń aıtýynsha, eńbek kúshin jańa tehnologııalarmen ushtastyra bilý de zaman talaby.

«Qazirgi tańda Qazaqstannyń agroónerkáip keshenin ınnovasııalyq baǵytqa túsire bilý óte mańyzdy. Bul bizdiń dástúrli salamyz. Dúnıede azyq-túlikke degen qajettilik arta beredi. Bul sektorǵa ınvestısııa kóbirek salynady. Sondyqtan búgingi fermeler ýaqytsha ári aýa raıyna baılanysty kezdeısoq jetistikterge maldanyp qalmaı, óndiristik ósim jóninde oılanýǵa tıis», dedi ol.

Memlekettik hatshy jahandyq aýyl sharýashylyǵy óndirisinde básege óse beretindigin, jermen jumys isteıtinder eń aldymen jańa tehnologııalardy engizip, ónimdilikti úzdiksiz arttyryp, jumysyn álemdik standarttar negizinde júrgizýi kerektigin basa aıtty.

«Sondyqtan Memleket basshysy Qasym-Jomart Toqaev atap ótkendeı, bolashaq agrarlyq sektorda, ásirese shaǵyn jáne orta bıznes túrindegi jańa óńdeý kásiporyndary jelisin qurýda. Bul tusta biz bıznesti nesıe arqyly qoldaýǵa tıispiz. Fermerler uzaqmerzimdi qarjylandyrý men ótkizý naryqtaryna deldalsyz tikele shyǵa alatyn bolýy tıis. Aýyl óndirýshileriniń qaryzdaryn kepildendirý jáne saqtandyrýdyń tıimdi júıesin qurý da ózekti másele», dedi Qyrymbek Kósherbaev.

Sońǵy jańalyqtar

Araq satylmaıtyn aýdan

Aımaqtar • Keshe

Erlikke toly sýretter

Rýhanııat • Keshe

Uqsas jańalyqtar