Úndistan – ekinshi tolqyn qursaýynda

Úndistan úkimeti men densaýlyq saqtaý mekemeleri COVID-19 juq­tyrǵan adamdar sany kúrt ósýine baılanysty qıyndyqqa tap boldy. Emhanalarda – medısınalyq jabdyq, jansaqtaý bólimderin­de – oryn, dári-dármekter, ottegi men ókpe jeldetkishteri tapshy. Qaı­tys bolǵandardyń dene­leri máıit­hanalar men krematorıı­lerde jınalyp qalǵan. Senbide ólim sany 2624 adamǵa jetken. Bul joǵary kórsetkish jaǵdaı­dyń qanshalyqty ýshyǵyp bara jatqanyn kórsetip otyr. Jek­senbide taǵy 349 691 adamnan indet anyqtalǵan. Osylaısha pandemııa bastalǵaly elde koronavırýs juqtyrǵandardyń sany 17 mln-ǵa jetti. Naýqastarǵa lyq toly aýrýhanalar ottegi jetispeýinen jańadan túsken aýrýlardan bas tartýǵa májbúr.

Kúni keshe AQSh bıligi Úndistan­daǵy jaǵdaı alańdatyp otyrǵanyn jetkizdi. Eldiń memlekettik hatshysy Entonı Blınken AQSh qosymsha kómek pen jabdyqtardy jetkizý úshin Úndistan úkimeti­men tyǵyz baılanysta ekenin aıtty. Úndistan bıligi aýyr zardap shek­ken shalǵaıdaǵy aýdandarǵa júkterdi tasymaldaý úshin po­ıyzdar men áýe kúshterin jiberetin bolady.

Otteginiń jetispeýinen naýqas­tar aýrýhanada kóz jumyp jatqan Delıdegi jaǵdaı tipti kúrdeli. Elde jeksenbide qaıtys bolǵandardyń sany aldyńǵy kúnnen de asyp tústi. Dúnıejúzilik densaýlyq saq­taý uıymy (DDU) bul jaǵdaı koro­navırýstyń aýyr saldary qandaı bolýy múmkin ekenin taǵy bir ret eskertip jatqandaı dep málimdedi.

Jyl basynda ǵana Úndistan úkimeti indetti jeńgenine senimdi edi. Aqpan aıynyń ortasynda vırýs juqtyrǵandar sany 11 myńǵa deıin azaıyp, vaksınalar eksporttala bastalǵan. Naýryzda Den­saý­lyq saqtaý mınıstri Úndistan pandemııanyń eń sońǵy kezeńinde ekenin aıtqan.

Alaıda jaǵdaı qysqa merzim­niń ishinde kúrdelenip ketti. Vırýs­tyń ýaqyt ótken saıyn ózgerip, jańa shtamdary paıda boldy. Odan bólek, osy aıdyń basyndamıl­­lıondaǵan adamdy jınaǵan Kýmb Mela festıvali sııaqty qo­ǵam­dyq merekelerden soń jaǵ­daı basqasha órbigen. Delıdegi aýrý­ha­na­lar úlken daǵdarystyń aldyn­da turǵandaryn eskertti. Dári­ger­lerdiń aıtýynsha, qaladaǵy barlyq aýrýhana tolyǵymen qul­dy­raýdyń aldynda tur. Eger ot­tegi taýsylsa, talaı naýqastyń ómi­­rin saqtap qalý múmkin emes eke­ni aıtyldy. Sondaı-aq eldegi ot­te­gi zaýyttaryn Úkimet dereý óz ba­­qy­laýyna alýy kerek deıdi dárigerler.

Úndistannyń ońtústigindegi Vellor qalasyndaǵy hrıstıan medısına kolledjiniń vırýsology Gagandıp Kan VVS-ge bergen pikirinde vırýstyń taralýyn toqtatý úshin qosymsha sharalar qajet ekenin aıtqan. Ol barlyq is-sharany dereý toqtatý kerek degen pikirde. Ásirese júzdegen adam jınalatyn úndi toılaryna shekteý qoıý kerek. Maman saıası, ekonomıkalyq ne otbasylyq sebeppen ótetin jıyndardy da ázirge ótkizýge bolmaıtynyn alǵa tartady. Ol tolyǵymen lokdaýn emes, indet órshigen aımaqtardy qatań baqylaýǵa alý kerektigin basa aıtty.

Jyǵylǵanǵa judyryq bolǵan­daı, Mýmbaıdyń soltústigindegi Vırar qalasyndaǵy emhanalardyń birinde órt shyǵyp, 15 naýqastyń ómirin jalmaǵan. Aýa kondı­sıo­nerinen túsken ushqyndar eki mı­nýttan keıin qarqyndy tera­pııa bólimin otqa oraǵan. Úndi­stan­­nyń taǵy bir óńirinde onsyz da jet­­ki­lik­siz ottegi aǵyp ketip, Ma­ha­rashtra shtatynyń Nashık aýda­nyn­daǵy aýrýhanada 24 naýqas ot­tegi kútip jatyp qaıtys bolǵan.

Osy kúrdeli jaǵdaıda el bı­ligine degen narazylyq kúsheıe túsken. О́ıtkeni ortalyqtaǵy bı­leý­shiler jaǵdaıǵa qatysty shara qoldanýdyń ornyna únsiz bol­ǵan. Sáýir aıynda qysqa málim­de­melerde premer-mınıstr Modı ulttyq vaksınalaý bary­syn tal­qylap, jaǵdaıdyń alańda­ta­r­lyq ekenin aıtyp qana qoıǵan. Qaýip­sizdik sharalary retinde testi­leýdi kóbeıtip, baqylaýdy art­tyrýdy jáne halyqtan abaı bolý­dy surap qana qoıǵan eken. Úki­met basshysy jaǵdaıdyń qıyn ekenine qaramastan, tıimdi kúres sharalaryn aıtýmen ǵana bol­ǵan. Tek seısenbide Modı jaǵdaı­dyń shuǵyl ekenin atap ótip, ha­lyq­qa úndeýinde jańa sharalar qabyldaǵan. Sondaı-aq eldegi in­dettiń ekinshi tolqyny týraly resmı jarııalandy.