Zaýyttyń qýattylyǵy kúnine 1 myń tonnany quraıdy. Investısııalardyń jalpy somasy – 30 mlrd teńge. Bul jobany «Saryarqa» AEA aýmaǵynda iske asyrý josparlanyp otyr. Qurylys jáne paıdalaný kezeńinde 500 jańa jumys orny qurylady. Jobany iske asyrýdyń josparlanǵan merzimi – 2021-2022 jyldar.
Mınıstrdiń aıtýynsha, qurama jemniń sapasy men tıimdiligine nazar aýdarý qajet. «Balyqtyń ózindik quny qurylymynda jemge jumsalatyn shyǵyndar jalpy shyǵystardyń 70%-yn quraıdy. Sondyqtan qurama jemniń sapasy men tıimdiligi – balyqty óndiristik ósirý rentabeldiliginiń sheshýshi faktory. Osyǵan baılanysty joǵary sapaly jemniń (qorektenetin azyǵynyń) otandyq óndirisin jolǵa qoıý qajet. Bul óz kezeginde ımportqa táýeldilikti azaıtýǵa, bızneske qarjylyq júktemeni azaıtýǵa múmkindik beredi», dedi M.Myrzaǵalıev
Andreı Naıman kezdesý barysynda jobanyń júzege asyrylý barysymen bólisti. «Biz «Saryarqa» AEA basqarýshy kompanııasymen memorandýmǵa qol qoıdyq, 25 gektar jer telimi belgilendi. Jalpy, óndiris gıdroponııalyq agronomııa salasyndaǵy ızraıldik jáne halyqaralyq ǵalymdardyń tájirıbesine negizdeletin bolady. О́ndiriletin jem 100% «jasyl» jem bolady», deıdi ınvestor. Eske sala keteıik, mınıstrlik balyq sharýashylyǵyn damytýdyń 2030 jylǵa deıingi baǵdarlamasyn ázirledi, onyń negizgi baǵyttarynyń biri – jem-shóp óndirisin jolǵa qoıý.
