Aımaqtar • 26 Sáýir, 2021

Jambylda QazVac otandyq vaksınasyn salý bastaldy

37 ret kórsetildi

Byltyr Memleket basshysy Qasym-Jomart Toqaev otandyq vaksına jasaý jóninde tapsyrma bergen bolatyn. Jýyrda ǵana Qordaı aýdanyna jumys saparymen kelgen Premer-Mınıstrdiń orynbasary Eraly Toǵjanov Bıologııalyq qaýipsizdik problemalary ǵylymı-zertteý ınstıtýtynyń bazasynda óndirilgen QazVac qazaqstandyq vaksınasynyń birinshi partııasynyń jóneltilýine qatysqan edi, dep habarlaıdy Egemen.kz

Búginde Jambyl oblysynda bul jóninde Prezıdenttiń tapsyrmasy oryndalýda.

О́ńirde búginnen bastap halyqqa QazVac otandyq vaksınasyn salý bastaldy. Keshe ǵana, ıaǵnı 25 sáýir kúni óńirge 2000 doza otandyq vaksına jetkizildi.  Qazaqstandyq vaksınanyń ǵylymı ataýy – QazCovid-in, onyń taýarlyq ataýy – QazVac.

Vaksına ınaktıvtendirilgen, qutydaǵy 1 dozaly, 0,5 ml-den bulshyqet ishine 2 ret 21 kún aralyqpen júrgiziledi. Vaksına tońazytqyshtarda saqtalady jáne barlyq basqa vaksınalar sııaqty +2+8 gradýs temperatýra rejıminde termokonteınerlerde tasymaldanady. Otandyq vaksınanyń ereksheligi – muzdatýdyń  qajeti joq. Iаǵnı, nóldik parametrleri bar tońazytqysh jabdyqtar qajet emes.

Oblystyq densaýlyq saqtaý basqarmasynyń málimetinshe, Taraz, Shý qalalarynyń jáne óńirdegi 10 aýdandaǵy 20 emhananyń barlyq egý kabınetterinde otandyq vaksına bar jáne búginnen  bastap  egý jumystary bastaldy.

Budan bólek, oblysqa 2021 jyldyń 1 aqpannan bastap «Spýtnık V» vaksınasynyń  51 300 dozasy jetkizilgen. Oblysta «Spýtnık V» vaksınasynyń 1 komponentimen 33 425 adam egilgen. Onyń ishinde 21 kúnnen keıin 8504 adam vaksınanyń 2 komponentin alǵan. Vaksına alǵandar tarapynan densaýlyǵyna teris áser berip, shaǵym keltirgender tirkelmegen.

Búginde oblystyń barlyq emhanalarynda 18 jastan asqan, qarsy kórsetilimderi joq adamdarǵa QazCovid-in otandyq vaksınasy jáne «Spýtnık V» vaksınasy egilip jatyr.

 

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar