Úkimet • 26 Sáýir, 2021

Ońaltý qyzmetteriniń tapshylyǵy 11 óńirde baıqalady

22 ret kórsetildi

Premer-Mınıstr Asqar Mamın «Nur Otan» partııasynyń saılaýaldy baǵdarlamasynyń jol kartasyn iske asyrý jónindegi shtab otyrysyn ótkizdi, dep habarlaıdy Egemen.kz Premer-Mınıstrdiń baspasóz qyzmetine silteme jasap.

Zeınetaqy men járdemaqy taǵaıyndaý prosesterin sıfrlandyrý, múmkindigi shekteýli balalarǵa arnalǵan ońaltý ortalyqtarynyń sanyn arttyrý, sondaı-aq kóp balaly jáne az qamtylǵan otbasylarǵa, múmkindikteri shekteýli azamattarǵa, jetim balalarǵa arnap turǵyn úı salý máseleleri qaraldy.

Eńbek jáne halyqty áleýmettik qorǵaý mınıstri Serik Shápkenov «Nur Otan» partııasynyń saılaýaldy baǵdarlamasyn iske asyrý aıasynda 2021 jyldan bastap 2025 jylǵa deıingi kezeńde zeınetaqy men járdemaqy taǵaıyndaýǵa qatysty memlekettik qyzmetter 100% sıfrlandyrylatynyn aıtty.

Qazirgi tańda áleýmettik-eńbek salasynda 44 qyzmet túri qarastyrylǵan, onyń 40-y 2020 jyly elektrondyq formatqa aýystyryldy. 24 memlekettik qyzmet zeınetaqy men járdemaqy taǵaıyndaýmen jáne tóleýmen baılanysty, onyń ishinde 22 qyzmet elektrondyq túrde, 12 (50%) qyzmet alýshynyń ótinishinsiz, proaktıvti túrde kórsetiledi.

Qazaqstanda 12,3 myń múmkindigi shekteýli bala ońaltýdy qajet etedi, olardyń 47%-y qazirgi ýaqytta 38 ońaltý ortalyǵynyń qyzmetterimen qamtylǵan. Ońaltý qyzmetteriniń tapshylyǵy QR 11 óńirinde baıqalady.

«Nur Otan» partııasynyń saılaýaldy baǵdarlamasynda 2025 jylǵa deıin elimizde múgedektigi bar balalarǵa arnalǵan qosymsha 15 ońaltý ortalyǵyn ashý mindeti qoıylǵan.

«Nur Otan» partııasynyń saılaýaldy baǵdarlamasynyń jol kartasynyń osy tarmaǵyn oryndaý jónindegi jumystar týraly Aqmola oblysynyń ákimi Ermek Marjyqpaev, Qaraǵandy oblysynyń ákimi Jeńis Qasymbek, Aqtóbe oblysynyń ákimi Ońdasyn Orazalın baıandady.

Indýstrııa jáne ınfraqurylymdyq damý mınıstri Beıbit Atamqulov, sondaı-aq «Báıterek» UBH» AQ basqarma tóraǵasy Aıdar Áriphanov «Nur Otan» partııasynyń saılaýaldy baǵdarlamasyn iske asyrý jónindegi jol kartasyna sáıkes, 2025 jylǵa deıin 103 mln sharshy metr turǵyn úıdi (977 myń turǵyn úı) paıdalanýǵa berý josparlanǵanyn aıtty.

Bıyl turǵyn úıdi paıdalanýǵa berý kórsetkishi 17 mln sharshy metrge deıin ulǵaıdy. Demek, 163 myńnan astam otbasy, onyń ishinde halyqtyń áleýmettik osal toptary jańa baspana alýy tıis. Osy jyldyń I toqsanynda «Nurly jer» memlekettik baǵdarlamasy aıasynda Qazaqstanda 2,87 mln sharshy metr turǵyn úı salyndy, bul 2020 jyldyń sáıkes kezeńindegiden 8,6%-ǵa artyq.

Premer-Mınıstr zeınetaqy men járdemaqy taǵaıyndaý úshin barlyq bastapqy derekterdi sıfrlandyrýdy jáne ózektendirýdi, ár óńirde balalardy ońaltý ortalyqtaryn ashýdy jáne olardyń qyzmetin damytýdy, turǵyn úıdi paıdalanýǵa berý kólemi jónindegi aı saıynǵy josparlardy bekitip, ákimdikterge jetkizýdi, sondaı-aq olardyń iske asyrylýyna naqty monıtorıng júrgizip otyrýdy tapsyrdy.

 

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar