Áleýmettik jelilerdiń birinde Sentralnyı, Zatonskıı jáne Áýezov aýdany polısııa bólimderiniń basshylaryna reıdti kúsheıtý jáne shekteý sharalaryn buzǵandardy izdestirý týraly buıryq berilgen aýdıojazba tarady. Sondaı-aq laýazymdy tulǵa qyzmetkerlerine naqty merzim qoıǵan, aýdıojazbadaǵy sózine qarasaq, túski 16:30-ǵa deıin kóp zańbuzýshy taýyp, aıyppuldy kóbirek óndirińder dep tapsyrǵan.
«Qazir barlyǵy dereý ýchaskelik polıseılerdi alyp aýmaqqa shyqsyn, 16:30-ǵa deıin karantın sharalaryn buzǵandardy anyqtaý kerek, shuǵyl tártipe. Toptaryńyzdyń nátıjesi – nól, biz «qyzyl aımaqta» turmyz. Qazir tappasańyzdar, erteń tańerteńnen keshke deıin barlyǵyńyz osy zańbuzýshylyq boıynsha júresizder. Sondyqtan shuǵyl túrde jelige shyǵyńyz, jumysty uıymdastyryńyz», delingen aýdıo-habarlamada.
Aýdıojazba áleýmettik jelilerge taralǵannan keıin ShQO polısııa departamenti qyzmettik tergeýdi bastady. Habarlamanyń keıipkeri Semeı qalalyq polısııa basqarmasy jergilikti polısııa bóliminiń basshysy bolyp shyqty.
«ShQO polısııa departamenti qyzmettik tergeý júrgizdi. Onyń nátıjesi boıynsha dybystyq habarlamanyń avtory – Semeı QP jergilikti polısııa bóliminiń basshysy ekendigi anyqtaldy. Laýazymdy tulǵa qyzmettik-áskerı tártipti buzǵany úshin jumysynan bosatyldy», dedi departament ókili.
