«Jyl saıyn 28 sáýirde álemdik qaýymdastyq Dúnıejúzilik eńbekti qorǵaý kúnin atap ótedi. Bul kún barlyq eńbek ujymdary jumysynyń mańyzdy jáne keń kólemdi qyrlaryna jurtshylyq nazaryn aýdarý, jaraqattanýdy azaıtýǵa járdemdesý jáne jumys oryndaryndaǵy jazataıym oqıǵalardyń sanyn azaıtý úshin bekitilgen.
Bıyl Dúnıejúzilik eńbekti qorǵaý kúniniń taqyryby «Daǵdarysty aldyn ala boljaý, oǵan daıyndalý jáne den qoıý – turaqty qaýipsizdik júıelerine qazirden ınvestısııa salý» bolyp jarııalandy. Atalǵan taqyryp álemde COVID-19 pandemııasynyń órshýine baılanysty tańdalǵan.
2020-2021 jyldary alǵan tájirıbeni eskere otyryp, biz eńbekti qorǵaý júıesin birlesip nyǵaıtyp, jetildirýge, aǵymdaǵy daǵdarys pen yqtımal bolashaq syn-qaterler aldynda ornyqty bolyp qalýǵa tıispiz.
Statıstıka boıynsha, elimizde jyl saıyn 1,5 myńnan astam adam jumys oryndaryndaǵy jazataıym oqıǵalardyń saldarynda ártúrli jaraqat alyp, 200-ge jýyǵy qaza tabady. Jyl basynan beri 267 oqıǵa tirkelip, 307 adam zardap shekti.
Barlyq eńbek zańnamasyn buzýdyń shamamen 30%-y eńbek qaýipsizdigi jáne ony qorǵaý máselelerine baılanysty. Sondyqtan bárimizge eńbek qyzmeti prosesinde qyzmetkerlerdiń qaýipsizdigi kepildigin qamtamasyz etý boıynsha kúsh salý mańyzdy bolyp otyr.
Eńbekti qorǵaý jáne onyń qaýipsizdigine qatysty barlyq tarapty: jumys berýshilerdi, eńbekti qorǵaý jónindegi mamandardy, oqytýshylardy, kásipodaq uıymdarynyń eńbekti qorǵaý jónindegi ókiletti oqý ortalyqtarynyń ádiskerleri men jumyskerlerin, tehnıkalyq eńbek ınspektorlaryn, jumyskerlerdi eńbekti qorǵaýdy qamtamasyz etýge belsendi qatysýǵa jáne de óz jumysy barysynda «Vision Zero» nóldik jaraqattaný tujyrymdamasynyń qaǵıdattaryn ustanýǵa shaqyramyn», delingen Serik Shápkenovtiń quttyqtaýynda.
