«Bul fakti boıynsha Qylmystyq kodekstiń 345-1-baby 4-bóligimen (Abaısyzda eki nemese odan da kóp adamnyń ólimine ákep soqqan alkogoldik masań kúıde kólik quralyn júrgizý) sotqa deıingi tergeý bastaldy, atalǵan bappen eń joǵarǵy jaza 10 jylǵa deıin bas bostandyǵynan aıyrý kózdelgen», delingen habarlamada.
Avtokólik quralynyń júrgizýshisi qamaýǵa alyndy, barlyq qajetti tergeý áreketteri men saraptamalyq zertteýler júrgizilip, tergeý prosesstik merzimde aıaqtaldy. 28 sáýirde Eńbekshiqazaq aýdanynyń prokýratýrasy aıyptaý aktisimen qylmystyq isti máni boıynsha qaraý úshin sotqa joldady.
Esterińizge sala keteıik, 2 naýryz saǵat 18:40-ta «ÝAZ» avtokóliginiń júrgizýshisi, Eńbekshiqazaq aýdany Qoram aýylynyń 54 jastaǵy turǵyny mas kúıde (ortasha dáreje) kóligimen joldyń shetinde turǵan eki 8 jasar jáne eki 9 jasar oqýshy qyzdy qaǵyp ketti.
Onyń úsheýi aýrýhanaǵa jatqyzyldy. 14 naýryz kúni oqýshynyń biri esin jımastan kóz jumdy. Bul oqıǵaǵa qatysty tergeýdi Prezıdent Qasym-Jomart Toqaev óz baqylaýyna alǵan edi.
