Jańalyqtyń derekkózi Instagram-daǵy Qaznews24 satıralyq pablıginen alynǵan. Bul akkaýnttyń anyqtamasynda barlyq jarııalanymdardyń shynaıy emes, tek kóńil kóterý maqsatynda oılap tabylatyndyǵy jáne shyndyqqa esh qatysy joq ekendigi jazylǵan.
Degenmen, blogerler habarlamany derekkózdi kórsetpesten taratyp, oqyrmandardy «jańalyqtyń» shynaıylyǵyna sendirgen.
Osy oraıda IIM shetelge shyǵý sanyn shekteý týraly aqparatty joqqa shyǵardy.
«Instagram qoldanýshysy kóshi-qon salasyndaǵy halyqaralyq kelisimderge qatysty jalǵan aqparat jarııalady. QR IIM Kóshi-qon qyzmeti komıteti aqparattyń shyndyqqa janaspaıtynyn habarlaıdy. IIM óz kezeginde kelisimderge qol qoıý kezinde eń aldymen azamattarymyzdyń konstıtýsııalyq quqyqtaryn qorǵaýdy basshylyqqa alady. Qazaqstan Respýblıkasy Konstıtýsııasynyń 21-babynyń 2-tarmaǵyna sáıkes, «Árkimniń Respýblıkadan tys jerlerge ketýine quqyǵy bar. Respýblıka azamattarynyń Respýblıkaǵa kedergisiz qaıtyp oralýyna quqyǵy bar», delingen vedomstvonyń jaýabynda.
Aıta keteıik, QR QK 247-babyna sáıkes jalǵan aqparat taratý zań boıynsha qýdalanady.
