«Avangard» – Gagarın kýbogynyń jeńimpazy

Elordanyń «Barysymen» birge QHL-diń «Shyǵys» konfe­ren­sııasynda óner kórsetetin «Avan­gard» pleı-off kezeńiniń 1/8 fınalynda Ekaterınbýrgtiń «Avtomobılıst» klýbyn bes oıyn­da 4:1 esebimen jeńse, shırek fınalda Magnıtogorskiniń «Metal­lýrgyn» 4:2 nátıjesimen qapy qal­dyrdy. Jartylaı fınalda «Shyǵys» konferensııasynyń jeńimpazy Qazannyń «Ak Bar­sy­men» kezdesip, tartysqa toly je­ti oıynda 4:3 esebimen basym tústi. Al SSKA fınalǵa deıin Máskeýdiń «Spartak» (4:0), Iаros­lavldiń «Lokomotıv» (4:3) jáne jartylaı fınalda Sankt-Peter­býrgtiń SKA (4:2) klýbtaryn jeńgen bolatyn.

«Avangard» pen SSKA ara­syn­­daǵy fınaldyq match alty oıyn­ǵa sozyldy. Alǵashqy kezdesý­de ombylyqtar jeńiske jetse, ke­ıingi eki oıynda SSKA basym­dyq tanytty. Tórtinshi match­­ta «Avangard» overtaımda ba­­sym tússe, syrt aıdyndaǵy be­­sinshi kezdesýde de qonaqtar aı­dyn ıelerine qaraǵanda myq­tylyq tanytty. Sóıtip bes kez­de­sýden keıin «Avangard» 3:2 ná­tı­jesimen alda turdy. Al­tyn­­shy match ombylyqtar úshin she­shýshi, máskeýlikter úshin esepti teńestiretin urymtal sát edi. Alaı­da Máskeýde ótken kezdesý 1:0 esebimen «Avangardtyń» paıda­syna aıaqtalyp, Omby klýby óz tarıhynda tuńǵysh ret Gaga­rın kýbogyn jeńip aldy. Match­taǵy jalǵyz ári jeńisti shaıbany Sergeı Tolchınskıı saldy. Osy­laısha ombylyq klýbtyń shabýylshysy pleı-off kezeńiniń eń baǵaly oıynshysy atandy. QHL-dyń osy maýsymynda Tolchınskıı 24 oıyn ótkizip, 20 upaı jınaǵan. Iаǵnı alty márte mergendigimen kózge tússe, 14 márte áriptesterine nátıjeli pas asyrǵan.

QHL tarıhynda atalǵan eki klýb keıingi eki jylda týrnır­diń fınalynda kezdesip, eki ujym da ózderiniń alǵashqy chem­pıon­dyqtaryn toılady. Máse­len, 2018/2019 jylǵy maýsym­nyń fınalynda SSKA dál osy «Avangardty» jeńip, tuńǵysh ret Gagarın kýbogyna ıe boldy. Byltyrǵy maýsym koronavı­rýs pandemııasyna baılanys­ty merziminen buryn aıaqtalsa, mi­ne bıyl «Avangard» birinshi chem­pıondyǵyn toılap jatyr.

«Avangard» «Shyǵys» kon­feren­sııasynda Gagarın kýbogyn jeńip alǵan tórtinshi koman­da boldy. Buǵan deıin «Ak Bars», «Salavat Iýlaev» jáne «Metal­lýrg» hokkeıshileri qos qulaqty ký­bokty basynan asyra kótergen bola­tyn. Kelesi maýsymda «Shy­ǵys» konferensııasyndaǵy jeńim­paz­dar jolyn Qazaqstannyń «Ba­rysy» jalǵaıdy dep úmittenemiz.