Densaýlyq saqtaý júıesi tap bolǵan syn-qaterlerdi eskere otyryp jáne Memleket basshysynyń tapsyrmalaryna sáıkes mınıstrlik qyzmettiń jańa basymdyqtaryn qalyptastyryp, nazar aýdardy. Olardyń ishinde – MÁMS sheńberinde halyqqa medısınalyq qyzmet kórsetý sapasyn arttyrý jónindegi jumysty kúsheıtý, bastapqy medısınalyq kómekti uıymdastyrý tásilderin túbegeıli qaıta qaraý, kólik medısınasyn kúsheıtý, barlyq óńirlerde iri zamanaýı aýrýhanalar salý, óńirlerde ınfeksııalyq aýrýhanalar salý, eldi mekenderdi feldsherlik-akýsherlik pýnkttermen jáne dárigerlik ambýlatorııalarmen qamtamasyz etý, medısına qyzmetkerleriniń jalaqysyn arttyrý, medısınalyq mekemelerdi kadrlarmen qamtamasyz etýdiń orta merzimdi boljamyn qalyptastyrý, Medısınalyq jáne farmasevtıkalyq ónerkásipti damytý.
Bul jumys 2021 jyly da jalǵasatyn bolady. Ol úshin Prezıdenttiń 2020 jylǵy 1 qyrkúıektegi «Qazaqstan jańa is-qımyl kezeńinde» atty el halqyna Joldaýyn iske asyrý sheńberinde Qazaqstan Respýblıkasynyń Densaýlyq saqtaý salasyn damytýdyń 2020-2025 jyldarǵa arnalǵan memlekettik baǵdarlamasyn ulttyq jobaǵa transformasııalaý boıynsha jumys bastaldy.
«Deni saý ult» ulttyq jobasy Qazaqstan Respýblıkasynyń 2025 jylǵa deıingi ulttyq damý josparynyń, Nur Otan partııasynyń «О́zgerister joly: árkimge laıyqty ómir!», Densaýlyq saqtaý salasyn damytýdyń 2020-2025 jyldarǵa arnalǵan memlekettik baǵdarlamasy, 2030 jylǵa deıingi Turaqty damý maqsattarynyń ulttyq ındıkatorlary», dedi A.Soı.
Ulttyq jobanyń negizgi baǵyttary: «Densaýlyq saqtaýdy damytý», «Epıdemıologııalyq boljaý men den qoıýdyń qazirgi zamanǵy júıesin qalyptastyrý», «Qazaqstannyń otandyq farmasevtıkalyq ónerkásibi», «Buqaralyq sportty damytý». Negizgi ulttyq ındıkator 2026 jylǵa qaraı ómir súrý uzaqtyǵynyń 75 jasqa deıin ósýi bolyp tabylady.
«Deni saý ult» Ulttyq jobasyn iske asyrý nátıjesinde densaýlyq saqtaýdy qarjylandyrý kólemin barlyq kózderden eldiń JIО́-niń 5%-yna deıin ulǵaıtý, jyl saıyn ekstrakorporaldyq uryqtandyrýdy júrgizýge 7000 kvota bólý, óńirlerde 20 zamanaýı medısınalyq ortalyq salý, aýyldyq eldi mekenderde 137 feldsherlik-akýsherlik, medısınalyq pýnktter men dárigerlik ambýlatorııalar ashý kútilýde. Budan basqa MÁMS qarajaty esebinen árbir azamat úshin qymbat turatyn medısınalyq qyzmetterdiń qoljetimdiligin qamtamasyz etý jáne kvotalardy 1,3 mln-nan ulǵaıtý josparlanýda. dárigerlerdiń ortasha jalaqysyn 2,5 esege arttyrý, sondaı-aq otandyq óndiristegi dárilik zattar men medısınalyq buıymdardyń úlesin 50% deıin ulǵaıtý.
Densaýlyq saqtaý salasynda qajetti qaıta qurýlar vektoryn aıqyndaý úshin Mınıstrlik Densaýlyq saqtaý júıesin odan ári damytý perspektıvasynyń paıymyn qalyptastyrdy, olar Densaýlyq saqtaý tıimdiligin arttyrýǵa, medısınalyq kómektiń qoljetimdiligi men sapasyn qamtamasyz etýge baǵyttalatyn bolady.
«Usynylyp otyrǵan modelde biz pasıenttiń qajettilikterine basty basymdyq berýdi josparlap otyrmyz. Osy qajettilikterdiń negizinde densaýlyq saqtaý uıymdaryndaǵy servısti jaqsartý, medısınalyq uıymdardy qolda bar qajettilikke sáıkes kadrlyq qamtamasyz etý, densaýlyq saqtaý prosesterin avtomattandyrý jáne aqparattandyrý bóliginde jedel sheshimder qabyldanýy tıis», dep atap ótti Densaýlyq saqtaý mınıstrliginiń basshysy.
Bul rette densaýlyq saqtaý salasyndaǵy qajetti standarttardy, normatıvtik quqyqtyq aktilerdi ázirleý, eń aldymen, halyqtyń muqtajdyǵy turǵysynan qalyptastyrylatyn bolady. A. Soıdyń aıtýynsha, medısınalyq kómektiń qoljetimdiligin qamtamasyz etý jáne sapasyn arttyrý úshin medısınalyq uıymdardy materıaldyq-tehnıkalyq qamtamasyz etý, jańa densaýlyq saqtaý nysandaryn salý nemese tozǵan nysandardy jóndeý boıynsha sharalar qabyldanatyn bolady. Munyń bári, saıyp kelgende, jumysty jetildirýge, qalada da, aýylda da medısınalyq kómek kórsetýdi kúsheıtýge, sondaı-aq densaýlyq saqtaý júıesin estýge múmkindik beredi.
