Aımaqtar • 30 Sáýir, 2021

Almaty áýejaıy Túrik kompanııasynyń resmı ıeligine ótti

85 ret kórsetildi

Túrkııanyń TAV kompanııasy Almatynyń halyqaralyq áýejaıyn satyp alý prosedýrasyn aıaqtady, dep habarlaıdy Egemen.kz 

«TAV Airports (Groupe ADP quramyna kiredi) kompanııasy satyp alýdy aıaqtap, eldiń ekonomıkalyq astanasynda ornalasqan Qazaqstannyń eń kóp jumys isteıtin áýejaıy – Almaty qalasy áýejaıynyń operasııalyq qyzmetin basqarýdy óz moınyna aldy. Mámile boıynsha esep aıyrysý aıaqtalǵannan keıin, TAV áýejaı men otyn jetkizý jáne tamaqtaný qyzmetterin usynatyn baılanysty kásiporyndardyń 85% aksııalarynyń benefısıar ıesi. Aksııalardyń qalǵan 15% Vpe Capital basqaratyn Kazakhstan Infrastructure Fund qoryna tıesili», dep málimdedi áýejaı baspasóz qyzmetiniń ókili.

TAV kompanııasy Almaty áýejaıyn ýaqytsha kelisim konsessııasy negizinde emes, menshik ıesi quqyǵynda basqarady. TAV Airports prezıdenti jáne bas atqarýshy dırektory Sanı Shenerdiń aıtýynsha, Almaty áýejaıynyń aıtarlyqtaı damý áleýeti bar.

«Biz Almaty áýejaıynyń aıtarlyqtaı ósý áleýeti bar dep sanaımyz jáne bizdiń kópjyldyq tájirıbemizge súıene otyryp, osy áleýetti tolyq kólemde iske asyrý úshin jumys isteıtin bolamyz. Búkil álem boıynsha áýejaılardy basqaratyn iri toptyń bir bóligi retinde biz Almatyny óńirdiń iskerlik astanasy retinde jáne Qazaqstandy mádenı murasy baı jáne týrıstik áleýeti joǵary el retinde ilgeriletetin bolamyz. Bizdiń baǵyttardy jasaýdaǵy tájirıbemiz Almatynyń álemmen kólik baılanysyn keńeıtýge kómektesedi. Mysal retinde, Grýzııadaǵy áýejaılardy basqarǵan 10 jyl ishinde biz baǵyttar sanyn eki esege arttyryp, jolaýshylar aǵynyn jeti esege arttyrdyq», deıdi Sanı Shener.

Onyń sózinshe, pandemııaǵa baılanysty trafıktiń tómendeýin eskere otyryp, buryn kelisilgen 415 mıllıon dollarlyq satyp alý baǵasy 365 mıllıon dollarǵa deıin tómendedi. Trafıktiń pandemııadan buryn qalpyna kelýine baılanysty satyp alýshylar konsorsıýmy bolashaqta qosymsha 50 mıllıon dollar tóleıdi.

Sońǵy jańalyqtar

Almaty qalpyna keltirilýde

Aımaqtar • Keshe

Dalanyń dara kúıshisi

О́ner • Keshe

Uqsas jańalyqtar