Oǵan elimizge belgili tarıhshy ǵalymdar Búrkitbaı Aıaǵan, Zııabek Qabyldın, Aqmaral Ybyraeva, Zarqyn Taıshybaı, sondaı-aq Soltústik Qazaqstan oblystyq arhıviniń dırektory S.Málikova, «Áziret sultan» memlekettik tarıhı-mádenı qoryq – mýzeıiniń dırektory N.Ahmetjanov, Abylaı hannyń urpaǵy, «Botaı» memlekettik tarıhı-mádenı mýzeı qoryǵynyń dırektory Ý.Qulbaev, Kókshetaý qalasynan «Abylaı hannyń qara joly» ekspedısııasyn júrgizýshi M.Ydyrysuly, aqyn N.Shárip jáne osy joldardyń avtory qatysyp, baıandamalar jasady.
Konferensııa jumysyn Abylaı han rezıdensııasy mýzeı-kesheniniń dırektory Aıan Sadaev ashyp, júrgizip otyrdy. Alǵashqy sóz alyp, konferensııaǵa quttyqtaý aıtqan oblys ákiminiń orynbasary Ǵanı Nyǵymetov bıyl Qazaqstan úkimeti Soltústik Qazaqstan oblysyn áleýmettik-ekonomıkalyq damytýdyń 2021-2025 jyldarǵa arnalǵan ekinshi Keshendi baǵdarlamasyn bekitkenin, osy baǵdarlamanyń aıasynda Abylaı han mýzeıi respýblıkalyq dáreje alyp, onyń qaramaǵyna aımaqtardaǵy jeke adamdarǵa arnalǵan mýzeıler qaratylatyn atap ótti.
«Bul da bolsa qazaqtyń uly hanyna degen qurmettiń belgisi»‚ dedi ol.
Oqylǵan baıandamalarda uly hannyń ómiri men qyzmetine sholý jasalyp jáne oǵan qatysty jańa derekter aıtylyp, hannyń esimin óskeleń urpaq – jastar arasynda nasıhattaı berý úshin jáne esimin ulyqtaý boıynsha qandaı is-áreketter jasalý kerektigi aıtyldy. Sonyń ishinde onyń esiminiń Petropavl qalasynyń bir kóshesine áli kúnge deıin berilmeı kele jatqanyna syndar aıtyldy.
О́lketanýshy M.Ydyrysuly ózderiniń Abylaı hannyń jolymen júrip ótetin jańa ekspedısııa daıyndap jatqandaryn jetkizdi. Túrkistandaǵy «Áziret Sultan» qoryq-mýzeıiniń dırektory N.Ahmetjanov kesenede Abylaı hannyń súıikti jary Qarashashtyń da jerlengeni anyqtalǵanyn aıtty. Konferensııa jumysynyń qorytyndysy boıynsha qarar qabyldanyp, onda basqalarmen qatar Soltústik Qazaqstan oblysy ákimdiginen Qyzyljar qalasynda bir kósheniń aty Abylaı hanǵa berilýi kerektigi suraldy. Konferensııa materıaldary jeke jınaq bolyp shyǵatyn boldy.
