Qazaqstan • 04 Mamyr, 2021

Nur Otan óńirlerdegi medısınalyq nysandardyń qurylysyn baqylaýǵa alady

29 ret kórsetildi

Ulttyq densaýlyq saqtaýdy damytýdyń ózekti máseleleri jáne «Nur Otan» partııasynyń saılaýaldy baǵdarlamasyn oryndaý jónindegi Jol kartasynyń basym baǵyttary Ult densaýlyǵy máseleleri jónindegi respýblıkalyq qoǵamdyq keńestiń birinshi otyrysynda talqylandy. Bul týraly partııanyń baspasóz qyzmeti habarlady.

Partııanyń baspasóz qyzmeti atap ótkendeı, densaýlyq saqtaý – saılaýaldy baǵdarlamanyń mańyzdy bloktarynyń biri, oǵan Saılaýaldy ýádelerdi iske asyrý jónindegi Jol kartasynyń 362 ındıkatorynyń 23-i arnalǵan.

Máselen, 2023 jylǵa qaraı dárigerlerdiń jalaqysyn 2,5 ese arttyryp, densaýlyq saqtaýdy qarjylandyrý kólemin barlyq kózderden eldiń JIО́-niń 5%-ine deıin jetkizý mindeti qoıylyp otyr.

Otyrys barysynda Keńes músheleri medısına uıymdarynyń ınfraqurylymyn óńirlerde, ásirese aýyldyq jerlerde jaqsartýǵa baqylaýdy qamtamasyz etý sharalaryn qarastyrdy.

Sonymen qatar, Keńes músheleri medısına qyzmetkerleriniń kásibı jaýapkershiligin saqtandyrý máselesin kóterdi. Atap aıtqanda, Keńes múshesi Elmıra Álıeva Medısınalyq qyzmetkerdiń quqyqtary jónindegi ýákil ınstıtýtyn qurýdy usyndy. О́z kezeginde densaýlyq saqtaý vıse-mınıstri Ajar Ǵınııat medısına qyzmetkerleriniń jaýapkershiligin saqtandyrý júıesin engizý jónindegi zańnamalyq normalar ázirlenip jatqanyn habarlap, olardy Keńestiń kelesi otyrysyna talqylaýǵa engizýdi usyndy.

Ult densaýlyǵy máseleleri jónindegi respýblıkalyq qoǵamdyq keńestiń birinshi kezdesýinde zııandy ónimderge – temeki, alkogol, quramynda qant bar ónimderge aksızdik salyqtardy arttyrý jáne engizý máselesi de talqylandy.

Keńes múshesi, elimizdiń jetekshi kardıology Qaırat Dáýletov atap kórsetkendeı, búginde árbir jetinshi ólim alkogolden, al 50 jasqa deıingi erler arasynda árbir úshinshi ólim spırttik ishimdikterdi tutynýmen baılanysty. Temekini tutynýdan jylyna keminde 18 myń qazaqstandyq qaıtys bolady.

«Qazaqstan men damyǵan elder arasyndaǵy mezgilsiz ólim-jitimniń úlken aıyrmashylyǵyn da dál osy alkogol men temeki anyqtaıdy», dep málimdedi ol.

Keńes tóraǵasynyń orynbasary Jámılá Sadyqovanyń aıtýynsha, Qazaqstanda jarnamalanatyn ónimderdiń 80%-ke jýyǵy – fast-fýd, quramynda qant bar sýsyndar, daıyn tańǵy as jáne t.b.

«Bul ónimderdi belsendi tutyný bizdiń elimizde erlerdiń 19%-i, áıelderdiń 23%-i jáne 6 jastan 9 jasqa deıingi balalardyń 20%-i zardap shegetin semizdikke ákelýi múmkin. Semizdiktiń artýynyń tikeleı saldary 400 myńnan astam qazaqstandyq aýyryp otyrǵan qant dıabeti bolyp tabylady», dedi ol.

Sońǵy jańalyqtar

Shubaıqyzyl qyzǵaldaǵy

Tanym • Búgin, 00:16

Tán tunshyǵýly, jan shyńǵyrýly

Ádebıet • Búgin, 00:11

Tereńdik taǵylymy

Ádebıet • Búgin, 00:06

Syrdyń sáni – sekseýil

Aımaqtar • Búgin, 00:04

Qasym súıgen Saqypjamal

Rýhanııat • Keshe

Qazandaǵy atys

Álem • Keshe

Kenbaev keńistigi

О́ner • Keshe

Baıyrǵy qazaq beınesi

О́ner • Keshe

Elbasy Túrkistanǵa keldi

Elbasy • Keshe

Dollar baǵasy ósti

Ekonomıka • Keshe

Uqsas jańalyqtar