Aýdan ákimdikterindegi aýys-túıistiń mán-mánisin oblys basshysy Arhımed Muhambetov túsindirip, jergilikti jurtty jańa ákimderimen tanystyrdy.
Sonymen, Naýyrzym aýdanyna Qaırat Ábishev ákim bolyp taǵaıyndaldy. Jańa ákim 1969 jyly qazirgi Áýlıekól aýdanyndaǵy Tımofeev aýylynda dúnıege kelgen. Eki joǵary bilimi bar: 1992 jyly Qostanaı aýyl sharýashylyǵy ınstıtýtyn agronom mamandyǵy boıynsha, 2015 jyly Almaty ekonomıka jáne statıstıka akademııasyn ekonomıka jáne bıznes mamandyǵy boıynsha támamdaǵan. Eńbek jolyn Naýyrzym aýdanyndaǵy «Qara qýraı» brıgadasynyń agronomy bolyp bastaǵan. Keıin Áýlıekól aýdany ákiminiń orynbasary, Uzynkól aýdany jáne Arqalyq qalasynyń ákimi qyzmetterin atqarǵan.
Al ońtústiktegi shalǵaı óńir - Amangeldi aýdanyna Talǵat Karbozov basshy bolyp taǵaıyndaldy. Talǵat Karbozov 1970 jyly 2 sáýirde Qostanaı oblysy Amangeldi aýdany Qabyrǵa aýylynda dúnıege kelgen. Joǵary bilimdi: 1988 jyly Torǵaı a/sh tehnıkýmyn támamdaǵan. 2004 jyly Qostanaı áleýmettik akademııasynda «Qarjy jáne nesıe» mamandyǵy boıynsha bilim alǵan. 2018 jyldan búgingi kúnge deıin Naýyrzym aýdanynyń ákimi mindetin atqaryp kelgen.
Amangeldi aýdanynyń burynǵy basshysy Ámirhan Asanov Arqalyq qalasynyń ákimi qyzmetine aýysty.
Qostanaı oblysy
