Atyraý oblysy polısııa departamentiniń Esirtki qylmysyna qarsy is-qımyl basqarmasynyń qyzmetkerleri jedel-izdestirý sharalary kezinde Atyraý qalasynyń aýmaǵynda sıntetıkalyq esirtkilermen betbelgilerdi ornatýmen aınalysqan 1992 jylǵy er adamdy ustady.
«Tintý is-sharalaryn júrgizý kezinde 100 gramnan astam daıyn esirtki tárkilendi. Bul bes mıllıon teńge somasyna, 3500-den astam bir rettik dozaǵa teń keledi. Ustalǵan adamnyń aıtýynsha, tárkilengen esirtkini oǵan basqa qaladan jetkizgen», deıdi Atyraý oblysy polısııa departamentiniń basshysy Qamza Úmbetqalıev.
Atalǵan fakt boıynsha QR QK 296-baby 4-bóligine sáıkes sotaldy tergeý bastaldy. Aıta keteıik, bul bapta úsh jyldan jeti jylǵa deıin bas bostandyǵynan aıyrý jazasy qarastyrylǵan.
