Oqıǵa • 07 Mamyr, 2021

Atyraýda áskerıler balalar arasynda sýret baıqaýyn ótkizdi

147 ret kórsetildi

«Batys» óńirlik qolbasshylyǵy Otan qorǵaýshylar kúnine oraı balalar arasynda sýret baıqaýyn ótkizdi, dep habarlaıdy Egemen.kz.

Atyraý garnızony baspasóz qyzmetiniń málimetinshe, baıqaýǵa qatysýshylar 200-den astam sýretti «Meniń ákem batyr», «Qazaqstan álem eli», «Biz batyrlardyń erlikterin eske saqtaımyz» nomınasııasy boıynsha usynǵan. Shyǵarmashylyq jumystar 3-6, 7-13 jáne 14-17 jas sanatymen baǵalanypty.

«Baıqaýdyń maqsaty jas urpaqty otansúıgishtikke, el tarıhyn maqtanysh etý rýhynda tárbıeleý. Balalardyń shyǵarmashylyq qabiletin damytyp, daryndylardy qoldaý. Jas býynnyń el tarıhyn zertteýge qyzyǵýshylyǵyn arttyrý. Sol sebepten, túrli-tústi nemese graffıtı stılindegi shyǵarmashylyq jumystar baıqaý taqyrybyna sáıkestigi, avtorlyq sheshimniń ereksheligi men oryndalý sapasy boıynsha baǵalandy» deıdi áskerı qyzmetkerlerdiń otbasy múshelerimen jumys jónindegi qyzmettiń bastyǵy Elvıra Aqynbaeva.

Onyń aıtýynsha, qazylar alqasynyń sheshimimen Lımara Madıeva, Jasmın Asılova, Vasılısa Jýravleva, Nurdana Ernst jáne Nurasyl Leshan salǵan sýretter úzdik dep tanyldy.

 

Sońǵy jańalyqtar

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar