Saltanatty sharaǵa 10 maıdanger densaýlyǵyna baılanysty qatysa almady. Ákimdik ǵımaratynyń aldynan sap túzep shyqqan merekelik sherý Jeńis saıabaǵyna toqtady. Ardagerler soǵysta qaza tapqan jaýyngerler memorıalyna gúl shoqtaryn qoıyp, maıdan dalasynan oralmaǵan qandybalaq qarýlastarynyń rýhyna taǵzym etti.
Saǵat 10:00-de Sıtı-ortalyqta tigilgen áskerı palatkalarǵa ornalastyrylǵan «Máńgi este» kórmesi óz jumysyn bastady. Kórmege soǵys jyldarynan syr shertetin fotoqujattar, kitaptar men sol kezeńde paıdalanylǵan qarý-jaraq túrleri men áskerı quraldar qoıyldy.
Oblystyq tarıhı-ólketaný mýzeıi kópshilik nazaryna UOS qaǵarmandarynyń fotosýretterin, áskerı ushqyshtar men tankısterdiń bas kımideri men maıdannan jazylǵan hattardy usyndy. Sondaı-aq, kórmege Keńes odaǵynyń qaharmany Seıithan Temirbaev pen 151-atqyshtar brıgadasynyń komandıri Leonıd Iаkovlevtiń shınelderi qoıyldy.
