SQO Polısııa departamentiniń málimetinshe, 10 mamyr kúni saǵat 18.45-te Aqqaıyń aýdanynyń ortalyǵy Smırnov aýylynda motoblok pen KAMAZ kóligi soqtyǵysqan. Motobloktyń tizgininde Aqqaıyń aýylynyń 39 jastaǵy turǵyny jáne qasynda 51 jastaǵy jolaýshy bolǵan. Al júk kóligin Qyzyljar aýdanynyń 41 jastaǵy turǵyny júrgizgen. Jol-kólik oqıǵasynda motobloktyń jolaýshysy jaraqat alyp, Aqqaıyń aýdandyq aýrýhanasyna jetkizildi. Alaıda dárigerler onyń ómirine arasha túse almady. Medısınalyq kýálandyrý motoblok júrgizýshisiniń mas bolǵanyn kórsetti.
«KAMAZ júrgizýshisi saý. Atalǵan fakti QR Qylmystyq kodeksiniń 345-baby 3 bólimi boıynsha Sotqa deıingi tergep-tekserýdiń biryńǵaı tizilimine engizildi. Qajetti saraptamalar taǵaıyndaldy», deıdi SQO PD anyqtaý basqarmasy bastyǵynyń orynbasary Jeńis Temirbekov.
