Pegasus Airlines málimetinshe, 23 mamyrdan bastap apta saıyn jeksenbide ushaq Ystambuldan Shymkentke ushady, keri baǵytqa reıs dúısenbi shyǵady.
Shymkent-Ystambul reısiniń baǵasy 169 dollardan (shamamen 72 313 teńge), al Ystambul-Shymkent reısi 171 dollardan (shamamen 73 169 teńge) bastalady. Eń arzan tarıfke salmaǵy bes kılogramǵa deıin jáne ólshemi 50×40×20 santımetr bolatyn qol júgin tasymaldaý kiredi.
Kompanııanyń qazaqstandyq ókilderi tasymaldaýshynyń aqparatyn rastady, biraq vedomstvoaralyq komıssııanyń jańa ruqsat berý qaýlysy áli shyqpaǵanyn aıtty.
Soǵan qaramastan, QR Indýstrııa jáne ınfraqurylymdyq damý mınıstrliginiń ókilderi Pegasus Airlines kompanııasynan Ystambul-Shymkent reısi qaıta bastalady ma degen suraqqa mundaı jospar baryn jáne bıletter satylymǵa shyqqanyn aıtty
