«Saýda ortalyqtarynda vaksınasııa pýnktterin uıymdastyrý jurt arasynda ekpege degen suranysty kórsetedi. Qazirgi ýaqytta qaladaǵy 9 saýda kesheninde 15 myńǵa jýyq adam vaksına aldy. Qala turǵyndary úıine, jumysyna jaqyn jerde egý pýnktterin ashý týraly jıi júginedi. Osylaısha, biz halyqqa yńǵaıly bolý úshin qalanyń barlyq iri saýda núktelerin qamtyp otyrmyz», dep atap ótti Qoǵamdyq densaýlyq saqtaý basqarmasy.
Qala boıynsha dozanyń birinshi komponentin 132 myńnan astam adam aldy.
«Saryarqadaǵy» egý orny ekinshi qabattaǵy eskalatordyń oń jaǵynda ornalasqan.
Búginde elordada «Mega Silk Way», «Keruen», «Han Shatyr», «Abý-Dabı Plaza», «Azııa Park» saýda oıyn-saýyq ortalyqtarynda, «Bıg Shanhaı» saýda kesheninde, ortalyq bazarda, «Álem» jáne «Astanalyq» saýda ortalyqtarynda vaksınasııa pýnktteri jumys isteıdi.
