«Birde-bir aýrýhana men birde-bir dáriger medbıkesiz jumys isteı almaıdy. Bul óte mańyzdy adamdar, olar úlken jumys atqarady jáne ár naýqastyń ómiri úshin odan da úlken jaýapkershilik atqarady», dep jazdy mınıstr.
Alekseı Soı búginde medbıkelerdiń róli artqanyn, buryn olar orta medısınalyq personal bolyp sanalsa, qazir olar dárigerlerdiń teń seriktesi bolyp, táýelsiz sheshim qabyldaýǵa múmkindik alǵanyn aıtty.
Qazaqstanda 185 myńnan astam orta býyn mamandary jumys isteıdi, olardyń 2 myńynda joǵary meıirgerlik bilimi bar. Aýyldyq jerlerde 55 myńǵa jýyq adam jumys isteıdi.
«Medbıkeler mektebi bir orynda turmaıdy, kadrlyq rezervti tolyqtyra otyryp, barlyq ýaqytta jetildirilýde», dep jazdy mınıstr.
Bul merekede úzdik mamandardy marapattaý dástúrge aınalǵan. Pandemııaǵa qaramastan, bıyl da marapattaý rásimi tys qalmady. QR Densaýlyq saqtaý mınıstrliginiń atynan eńbektegi jáne densaýlyq saqtaý salasyndaǵy jetistikteri úshin búgin 174 maman marapattaldy. Onyń ishinde 24-i «Eńbek ardageri» medalimen, 43-i «Densaýlyq saqtaý isiniń úzdigi» tósbelgisimen, 15-i «Densaýlyq saqtaý isine qosqan úlesi úshin» tósbelgisimen, 52 mamanǵa qurmet gramotalary, taǵy 40 medbıke mınıstrdiń qoly qoıylǵan alǵys hattarmen marapattaldy.
«Árbir medısına qyzmetkeri úshin eń úzdik marapat – emdelýshilerdiń alǵysy dep sanaımyn. Sondyqtan árbir qazaqstandyqtyń atynan osy kúni meıirger áriptesterińizge olardyń yqylastyǵy men qaısarlyǵy úshin alǵys aıtýǵa ruqsat etińizder. Sizge zor densaýlyq, amandyq jáne órkendeý tileımin!», dedi Alekseı Soı.
