ShQO tótenshe jaǵdaılar departamenti baspasóz qyzmetiniń málimetine súıensek, óńir boıynsha balalardyń terezeden qulap ketý jaǵdaılary az tirkelip jatqan joq. О́tken jyly 9, 2021 jyldyń basynan 1 jazataıym oqıǵa bolǵan.
«2018-2021 jyldar aralyǵynda osyndaı 24 jaǵdaı tirkelgen. Qaıǵyly oqıǵalardyń negizgi sebepteri – balalardy qaraýsyz qaldyrý jáne terezedegi qaýipsizdikti qamtamasyz etetin temir tordyń bolmaýy. Taldaý barysynda anyqtalǵandaı, marqum bolǵandar: 1 jastan 3 jasqa deıingi – 7 bala, 4 jastan 6 jasqa deıingi – 10, 7 jastan 12 jasqa deıingi – 6 jáne 13 jastan 16 jasqa deıingi – 1 bala», dep habarlady vedomstvo ókilderi.
Máselen, Semeı qalasynda osy jyldyń 8 mamyrynda úshinshi qabatta ornalasqan páterdiń terezesinen qulaǵan bala aýrýhanaǵa jatqyzyldy. Jazataıym oqıǵalar negizinen bıik turǵyn úıler kóp shoǵyrlanǵan oblystyń iri qalalarynda tirkelgen. Dárigerlerdiń aıtýynsha, terezeden qulaǵan balalardyń kóbisinde qol-aıaqtary synyp, mı jaraqatyn alyp, júıke júıesi zaqymdalady. Munyń saldary psıhologııalyq jaraqatqa aınalýy múmkin.
Sondaı-aq balalardyń múgedek bolyp qalý yqtımaldyǵy da joǵary.
«Osyndaı jazataıym oqıǵalar ata-analar úlken balalarǵa kishkentaılaryn qaraýdy tapsyrǵan kezde oryn alyp jatady. Tipti bes jasar balaǵa birge endi tolǵan ini-qaryndasyn baqylaý mindeti júktelgen kezder de boldy. Bul múldem durys emes. Bala eresekter sııaqty jaýapkershilikti sezine almaıdy. Ol bir nársege alańdap, búldirshinge bas-kóz bolýdy umytyp ketedi» delingen habarlamada.
Sonymen qatar departamet ókilderi balalardyń terezeden qulaýyn boldyrmaý úshin otbasylarǵa moskıt torlardy ornatpaýǵa keńes berdi.
«Balalar moskıt toryna súıenip, terezeden qulap ketýi múmkin. Bundaı tor búldirshinderdi qulap ketýden múlde qorǵamaıdy. Kerisinshe, moskıt tor qaıǵyly jaǵdaıǵa yqpal etedi. О́ıtkeni bala ózin qaýipsiz sezinip, terezege jaqyndap oǵan súıenedi. Kóbinese ata-analardyń ózderi balany terezege qoıyp, birdeńe kórsetedi. Bulaı istemeý kerek», dedi ShQO TJD tótenshe jaǵdaılardyń aldyn alý basqarmasynyń bastyǵy Alekseı Shtykel.
