Qazaqstan • 14 Mamyr, 2021

«Rýhanı qazyna – 2021» festıvali bastaldy

575 ret kórsetildi

El astanasynda mádenıet, óner salasy uıymdary men qyzmetkerleri arasyndaǵy IV respýblıkalyq «Rýhanı qazyna – 2021» festıvali bastaldy. Bıylǵy baıqaý mádenıet jáne óner salasy qyzmetkerleriniń kásibı merekesine oraı uıymdastyrylyp otyr.

Respýblıkalyq deńgeıdegi qazylar alqasynyń otyrysy 12-14 mamyr aralyǵynda mádenı oıyn-saýyq uıymy boıynsha – «Qazaqkonsert» memlekettik konsert uıy­myn­­da; kitaphana isi boıynsha – Ulttyq akademııalyq ki­taphanada; mýzeı isi boıyn­sha – Ulttyq mýzeıde ótip ja­tyr. Ədil qazylardyń otyrysy atalǵan uıymdardyń áleý­mettik jelidegi paraq­sha­larynan tike­leı efırde kór­setiledi.

Al 18-21 mamyr aralyǵynda festıvaldiń birqatar is-sha­rasy (saltanatty marapattaý rásimi, sheteldik sarapshynyń qatysýymen sheberlik synyp­tary jáne t.b.) Kókshetaý qala­synda ótedi.

Festıvaldiń ashylý saltanatyna qatysqan Mədenıet jəne sport mınıstrligi, Mə­de­nıet jəne óner isteri de­par­tamentiniń dırektory Kúmis Seıitova jyl ótken saıyn ju­mysyn respýblıka deń­geıin­de kórsetkisi keletin uıym men qyzmetkerler sany artyp kele jatqanyn atap ótti.

«Búginde baıqaýǵa elimizdiń 15 óńirinen kitaphana, mýzeı jáne mádenı-demalys qyzmeti boıynsha 300-den astam ótinish kelip tústi. Məselen, alǵash ret uıymdastyrǵanda qatysýshy sany 100-ge jýyqtaǵan edi. Jyl ótken saıyn aýyl, aýdan, qaladaǵy mədenıet oshaq­tarynyń qyzmetin jandan­dy­rýǵa baǵyttalǵan baıqaý ke­­ńinen tanylyp keledi. Osy festıvalde úzdik shyqqan uıym bir mıllıon, top jar­ǵan qyzmetker 500 myń teń­ge syıaqy alady. Bıyl fes­­tı­­valdiń mamyr aıynda ótki­zilýiniń ózindik sebebi bar. Úz­­dikterdi marapattaý rásimi bas­talatyn 18 mamyr – Ha­lyq­aralyq mýzeı kúnine, 21 mamyr – elimizdiń məde­nıet jáne óner salasy qyzmetkerleriniń kúnine oraılastyryldy», dedi ol.

Aıta keteıik, atalǵan baı­qaý mádenıet salasy qyz­met­kerleriniń tájirıbe almasýyna múmkindik jasaý, kitaphana, mýzeı, mádenı oıyn-saýyq salasy qyzmetkerleriniń kásibı sheberligin damytyp, óńirdegi mádenıet uıymdarynyń ımıd­jin arttyrýdy maqsat tutyp otyr.

Sondaı-aq festıval aıasynda úzdik memlekettik mýzeı (oblys, aýdan (qalalyq) ma­­ńyzy bar), memlekettik kitap­­hana (oblystyq, aýdan­dyq (qa­lalyq), aýyldyq mańy­­zy bar), memlekettik máde­­nı oıyn-saýyq uıymy (ob­lys­­­tyq, aýdandyq (qala­lyq) ma­ńyzy bar) men máde­nıet uıym­darynyń úzdik qyzmetkerleri anyqtalady.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar