Oblystyq polısııa departamenti baspasóz qyzmetiniń málimetinshe, esirtki qylmysyna qarsy is-qımyl basqarmasynyń qyzmetkerleri 12 mamyr kúni 36 jastaǵy áıeldiń 60 dana tramadol, 19 dana trapıkamed dári-dármekterin zańsyz satyp júrgenin anyqtaǵan.
«Qazir atalǵan áıelge qatysty QR Ákimshilik quqyqbuzýshylyq týraly Kodeksiniń 426-babymen «Farmasevtıkalyq qyzmettiń jáne dárilik zattardyń, medısınalyq maqsattaǵy buıymdar men medısınalyq tehnıkalyq aınalysy salasynyń qaǵıdalaryn buzý» deregimen Medısınalyq jáne farmasevtıkalyq baqylaý komıtetiniń Atyraý oblysy boıynsha departamentine sheshim qabyldaý úshin is-qujattar joldandy», dep habarlady departamenttiń baspasóz qyzmeti.
