Belgili bolǵandaı, osy jyldyń sáýir aıynda BQO boıynsha Sybaılas jemqorlyqqa qarsy is-qımyl departamentimen QR ÁQBtK-niń 681-baby «buryn sybaılas jemqorlyq qylmys jasaǵan adamdardy jumysqa qabyldaý» boıynsha Dene shynyqtyrý jáne sport departamentiniń basshysy Qaımen Esendııarovtyń ústinen ákimshilik is qozǵalǵan bolatyn. Is qysqartylǵan tártippen qaraldy. Oblystyq sport bóliminiń basshysyna 291 700 teńge aıyppul salyndy. Bir apta ishinde ol aıyppuldyń 50%-yn, ıaǵnı 145 850 teńge tóledi.
Keıin Esendııarov BQO boıynsha Sybaılas jemqorlyqqa qarsy is-qımyl departamentiniń basshysy Birjan Haırýllınniń áreketine shaǵym túsiredi, alaıda sot ótinishti qaraýsyz qaldyrdy, sebebi birinshi satydaǵy sottyń qaýlysy zańdy kúshine engen bolatyn.
«Moı gorod» ınternet-basylymynyń málimetinshe, Memlekettik qyzmet isteri departamenti de oblys ákimdigine Qaımen Esendııarovqa qatysty sheshim qabyldaý usynysymen hat joldaǵan. Alaıda naqty qandaı usynys ekeni belgisiz.
