О́tken demalys kúnderi Saryarqa aýdany Qosshyǵululy, 14 mekenjaıynda dástúrli aýylsharýashylyq jármeńkesi bastaldy. Endi ár senbi jáne jeksenbi saıyn Elordanyń ár aýdanynda uıymdastyrylyp otyrady, sondaı-aq bul jármeńke qarasha aıyna deıin jalǵasyn tabady.
«Osy demalys kúnderi Saryarqa aýdanynda kezekti aýylsharýashylyq jármeńkesi bastaldy. Munda taýar óndirýshiler óz ónimderin alypsatar deldaldarsyz sata alady. Sol sebepti azyq-túlik baǵasy arzan kúıde saýdalanady. Qala turǵyndaryna qajetti azyq-túlik ónimderiniń bári usynylǵan: et, sút ónimderi, kókónis, maı, jarma, bal sekildi túrli ónimder bar», deıdi jármeńke uıymdastyrýshysy Aıtýǵan Kúzerbaev.
Jármeńkege Aqmola, ShQO, Jambyl oblystarynyń Selınograd aýdanynyń aýylsharýashylyq taýar óndirýshileri jáne Nur-Sultan qalasynyń kásipkerleri qatysýda. О́nimderdiń bárinde qajetti sapa sertıfıkaty bar.
Bul qala aýmaǵyndaǵy ekinshi jármeńke. Al birinshisi 17 sáýir kúni Esil aýdany, Saýran, 7 mekenjaıynda ashylǵan bolatyn.
