Kezekti saıys Apennın túbeginińortalyq aýmaǵynda ornalasqan L’Akýıla men Folıno aralyǵynda ótti. Qos qalanyń araqashyqtyǵy 139 shaqyrymdy quraıdy. Bul tartysta slovakııalyq Peter Sagan («BORA – hansgrohe») shashasyna shań juqtyrmaı, máre syzyǵyn birinshi bolyp qıyp ótti. Ekinshi oryndy kolýmbııalyq Fernando Gavırııa («UAE-Team Emirates») enshilese, jergilikti sportshy Davıde Chımolaı («Israel Start-Up Nation») úshinshi satyǵa taban tiredi. «Astananyń» veloshabandozdary arasynan eń úzdik nátıjege reseılik Aleksandr Vlasov qol jetkizdi. Ol 13 oryndy ıemdendi.
Qarqyny kúnnen kúnge kusheıip kele jatqan «Astananyń» serkesi jalpy esepte taǵy bir satyǵa joǵarlady. Qazirgi kezde A.Vlasov ekinshi oryndy ıelenýde. Toǵyzynshy kezeńnen keıin tizgindi qolyna alǵan Bernal Egannan («INEOS Grenadiers») ol nebary 0:01 sekýnd qalyp keledi. Kósh basyndaǵy kolýmbııalyq saıypqyrannyń ýaqyty – 38:30:45.
