17 mamyr kúni saǵat 22:00-de Kókshetaý qalasynyń 50 jastaǵy turǵyny 8 naýryz kóshesindegi úıdiń aýlasynda Mitsubishi Pajero markaly avtokóligine jóndeý júrgizip, ony otaldyryp, ýaqytsha kólik janynan ketip qalǵan. Osy sátte 12 jasar uly ákesiniń avtokóliginiń salonyna otyryp, kólikti júrgizgen. Saldarynan 8 mart kóshesindegi aýladaǵy metall qorshaýdy qaǵyp ketken.
Sodan keıin kólik ıesi oqıǵa ornynan kólikti aıdap ketip, bul týraly IIO-ǵa habarlamaǵan. Alaıda turǵyndar bolǵan jaǵdaıdyń bárin telefon kamerasyna túsirip, áleýmettik jelilerde taratqan.
Polısııa ókilderi bir saǵat ishinde júrgizýshini anyqtap, jaýapqa tartty. Avtokólik ıesine Ákimshilik quqyq buzýshylyq týraly kodeks 611-babynyń 1-bóligi (júrgizýshiniń jol-kólik oqıǵasyna baılanysty mindetterdi oryndamaýy) boıynsha ákimshilik hattama toltyryldy.
