Ekonomıka • 20 Mamyr, 2021

Qazaqstannyń makroekonomıkalyq kórsetkishteri naqtylandy

287 ret kórsetildi

Parlament Senatynyń jalpy otyrysynda Ulttyq ekonomıka mınıstri Áset Erǵalıev 2021 jylǵa arnalǵan makroekonomıkalyq kórsetkishter men bıýdjettik parametrlerdi tanystyrdy, dep habarlaıdy Egemen.kz

«Makrokórsetkishterdiń boljamy el ekonomıkasynyń ósýi boıynsha jedel derekterdi, álemdik ekonomıka men naryqtaǵy úrdisterdi eskere otyryp, naqtylandy. Jalpy ishki ónimniń ósý qarqyny qańtar aıyndaǵy mınýs 4,5% paıyzdan sáýir aıynyń qorytyndysy boıynsha plıýs 0,7% paıyzǵa deıin jaqsardy.

Makrokórsetkishterdi naqtylaý kezinde munaıdyń ortasha jyldyq baǵasy barreline 50 dollar deńgeıinde aıqyndaldy. Dúnıejúzilik bank pen Halyqaralyq valıýta qorynyń boljamdary boıynsha álemdik ekonomıkanyń ósýi osy jyly 4,3% jáne 6 % quraıdy. Joǵaryda baıandalǵandardy eskere otyryp, el ekonomıkasynyń ósý boljamy 2,8% paıyzdan 3,1% deıin jaqsardy. Osylaısha ekonomıkalyq ósim qalpyna kelý satysynda bolady», dedi mınıstr.

Bul rette nomınaldy jalpy ishki ónim 77,8 trln teńge kóleminde baǵalanýda. Syrtqy suranysty qalpyna keltirý aıasynda metallýrgııadaǵy óndiristiń neǵurlym belsendi ósý esebinen óńdeýshi ónerkásiptegi boljamdy kórsetkishter 4,1%-dan 5,2% -ǵa deıin jaqsardy.

«Ulttyq banktiń boljamy boıynsha eksport 10,8 mlrd dollarǵa, ıaǵnı 52,2 mlrd dollarǵa deıin ulǵaıady. Import 37,1 mlrd dollardy quraıdy. Inflıasııa buryn bekitilgen 4-6% dálizde saqtaldy. Túzetilgen makroekonomıkalyq boljam negizinde 2021 jylǵa arnalǵan respýblıkalyq bıýdjet parametrleriniń boljamy naqtylandy. Respýblıkalyq bıýdjettiń kiristeri transfertterdi esepke almaǵanda 2021 jyly 7 trln 204 mlrd teńge kóleminde baǵalanady. Ulttyq qordan kepildendirlgen transfert ózgermeıdi jáne 2 trln 700 mlrd teńge mólsherinde saqtaldy. Ulttyq qordan nysanaly transfert 1 trln teńgeden 1 trln 850 mlrd teńgege deıin ulǵaıady. Respýblıkalyq bıýdjet shyǵystary 15 trln 334 mlrd teńge kóleminde boljanyp otyr. Bıýdjet tapshylyǵy jalpy ishki ónimge qatysty 3,5% deńgeıinde boljanyp otyr», dedi Á. Erǵalıev.

Sońǵy jańalyqtar

Koronavırýstyń «Serber» shtamy tez juǵady

Koronavırýs • Búgin, 13:32

Ulytaý oblysynyń ákimi taǵaıyndaldy

Taǵaıyndaý • Búgin, 11:50

Batys Qazaqstan oblysynyń ákimi taǵaıyndaldy

Taǵaıyndaý • Búgin, 11:06

Japonııa quramasy Ispanııany jeńdi

Fýtbol • Búgin, 10:33

Almaty mańynda jer silkindi

Aımaqtar • Búgin, 10:02

Jas tennısshilermen kezdesý

Tennıs • Búgin, 07:47

Italııalyq legıonermen tolyqty

Sport • Búgin, 07:45

Jas ǵalymnyń jetistigi

Ǵylym • Búgin, 07:43

Sıfrlyq teńge qoldanysqa enedi

Qarjy • Búgin, 07:41

Bıznesti jarylqaıtyn baǵdarlama

Bıznes • Búgin, 07:40

Reseıden soń Fransııaǵa keldi

Álem • Búgin, 07:34

Uqsas jańalyqtar