Prezıdent • 20 Mamyr, 2021

Prezıdent Tájikstannyń Premer-Mınıstrimen kezdesti

16 ret kórsetildi

Qasym-Jomart Toqaev Dýshanbege resmı saparynyń sońynda Tájikstannyń Premer-Mınıstri Kohır Rasýlzodamen kezdesý ótkizdi, dep habarlaıdy Egemen.kz.

Qasym-Jomart Toqaev  Kohır Rasýlzodaǵa Tájikstan Prezıdentimen ótkizgen kelissózderdiń negizgi nátıjeleri týraly aıtty. Qazaqstan Prezıdenti ekijaqty úkimetaralyq komıssııanyń tetikterin paıdalanýǵa qatysty ýaǵdalastyqqa qol jetkizilgeni jáne Emomalı Rahmonnyń Qazaqstanǵa aldaǵy ýaqytta jasaıtyn memlekettik sapary aıasynda qosymsha kelisimder ázirleý jónindegi jospary jaıynda atap ótti.

Memleket basshysy qazaq tarapy yqpaldastyqtyń barlyq baǵyty boıynsha konstrýktıvti jáne naqty jumystar júrgizetinin jetkizdi.

Kohır Rasýlzoda Qasym-Jomart Toqaevtyń bul sapary eki el Táýelsizdiginiń 30 jyldyǵynda ótip jatqanyn jáne onyń sımvoldyq máni bar ekenin aıtty.

Kezdesý barysynda Qazaqstan men Tájikstan Prezıdentteri arasynda jasalǵan búgingi ýaǵdalastyqtardyń oryndalýyna, atap aıtqanda, saýda-ekonomıkalyq áleýetti jáne ınvestısııa kólemin odan ári arttyrýǵa basa mán berildi.

Sońǵy jańalyqtar

Uqsas jańalyqtar