Batys Qazaqstanda vaksına tapshylyǵy joq

Mamyrdyń 20-sy kúni alyn­ǵan máli­metke qaraǵanda, ob­lys aýmaǵynda pan­demııa bas­talǵaly 21 503 oqıǵa tir­kelgen. Mu­nyń ishinde 16 633 adam ja­zy­lyp shyqsa, 319 adam osy dert­ten qaıtys boldy. Sońǵy táý­likte ja­ńadan anyqtalǵan syr­qat sany – 105 boldy. Onyń 79-yn­da aýrý belgileri anyq baı­qalǵan. De­genmen ótken apta kór­setkishimen sa­lystyrǵanda vırýs juq­tyrǵandar sany 9%-ǵa tómendegeni baıqalady.

2021 jyldyń basynan beri aýyr­ǵandar sany 12 282 adam bolsa, 7 045 naýqas – Oral qala­synan, 1 633 adam – Báıterek aýda­nynan, 1 340 adam – Bórli aýdany­nan anyqtalǵan.

Oblysta koronavırýstan em­deıtin 18 ınfeksııalyq stasıo­nar jumys isteýde, ondaǵy 1123 kereýettiń 646-sy bos. Jyl basynan 19 mamyrǵa deıin oblysta mektep jáne balabaqsha ja­syndaǵy 1 184 bala vırýs juq­tyrǵany belgili boldy.

Dárigerler oblys aýmaǵyn­daǵy iri óndiris oryndaryndaǵy epıdemııalyq ahýaldy da­ qa­daǵalap otyr. Máselen, «Jaıyq Munaı» kompanııa­synda jyl basynan beri 38 adamnan koronavırýs anyqtalsa, onyń bári de jumys ýa­qytynan tys kez­de juq­tyrǵany belgili boldy. Shynar munaı-gaz kenishinde bir de bir jumysshy aýrýmen tirkelmegen. Al Qarashyǵanaq Petroleým Opereıtıng kompanııasynda 1 qańtardan beri 133 aýrý tirkeldi, onyń 32-sinen vırýs vahta bastalarda, 50 adam­nan – vahta kezegi aıaqtalǵan ýaqytta anyqtalǵan.

–  Koronavırýsqa qarsy ın­feksııalyq stasıonarlarda 355 qyz­metker jumys isteıdi, onyń 74-i – dáriger, 155-i – orta býyndy medısına qyzmetkeri, 126-sy – kishi medısına personaly. Epı­demııaǵa qarsy qurylǵan or­ta­lyqtarda maman tapshylyǵy joq, – deıdi oblystyq densaýlyq saq­taý basqarmasynyń bas­pasóz hatshysy Sáýle Zaǵıdýllına.

О́ńirde bir táýlikte 6 myń adamdy teksere alatyn 13 zerthana jumys istep tur. Búginge deıin oblysta 559 011 PTR zertteý ja­salsa, sonyń 3 092-si sońǵy táý­likte shyǵarylǵan.

Vırýs taralýynyń aldyn alý, karantın talaptarynyń saqta­lýyn qadaǵalaý úshin oblysta 170 monıtorıng toby jumys isteýde. Jyl basynan beri tár­tip buzǵandarǵa 267 hattama tol­tyrylǵan, 16 583 145 teńge aıyppul salynǵan. Sońǵy aptada 8 hattama jasalyp, 350 040 teńge aıyp salynǵan eken. Joǵaryda salynǵan aıyppuldyń 65-i – dári-dármek baǵasyn orynsyz kótergen, tirkelmegen dármekti satqan dárihana ıelerine tıesili.

Sońǵy derekke qaraǵanda Batys Qazaq­stan oblysynda koronavırýsqa qarsy vak­sınanyń birinshi dozasyn 64 037 adam, ekinshi komponentin 25 282 adam alyp úlgergen. Jalpy, óńirge Spýtnık V vaksınasynyń I komponentinen – 84 050 doza; II komponentinen – 44 510 doza kelgen edi. Densaýlyq saqtaý basqarmasy ob­lysta vaksınanyń 6 860 dana ekinshi dozasy ázir turǵanyn habarlady. Respýblıka Bas sanıtar dárigerinen túsken sońǵy óz­geris­terge sáıkes eki dozanyń arasy 45 kúnge uzartylǵan. Budan bólek, oblysta 22 000 dozalyq Hayat Vax arab vaksınasy da bar. Halyq qandaı vaksınany tańdaıtynyn ózi sheshedi.

Batys Qazaqstan oblysy