COVID-19-ǵa baılanysty epıdemıologııalyq jaǵdaıyn baǵalaý matrısasyna sáıkes, О́skemen men Semeı qalalary aýrýshańdyq deńgeıi joǵarylaǵan aımaqtarǵa jatady («qyzyl» aımaq).
Shekteý sharalary búkil Shyǵys Qazaqstan oblysynda 24 mamyr men 6 maýsym aralyǵynda qoldanylady. Shekteý sharalarynyń rejımi men ýaqyty aımaqtaǵy COVID-19-dyń taralýy boıynsha jaǵdaıdyń ózgerýine sáıkes qaıta qaralýy múmkin.
Semeı qalasy, Borodýlıha, Shemonaıha, Úrjar, Zaısan aýdandarynyń ákimderi, Shyǵys Qazaqstan oblysynyń densaýlyq saqtaý basqarmasy, Shyǵys Qazaqstan oblysy boıynsha memlekettik kirister departamenti, Shyǵys Qazaqstan oblysy polısııa departamenti, sanıtarlyq-epıdemıologııalyq basqarmalar qalalar men aýdandardy baqylaý boıynsha kelesi jumystardy qamtamasyz etedi:
- Almaty oblysynan Shyǵys Qazaqstan oblysynyń syrtqy shekaralaryna kirip-shyǵatyn terrıtorııada 2 sanıtarlyq beket;
- Qaraǵandy oblysynan Shyǵys Qazaqstan oblysynyń syrtqy shekaralaryna kirip-shyǵatyn terrıtorııada 1 sanıtarlyq beket;
- «Aýyl», «Oba», «Baqty», «Maıqapshaǵaı» (Borodýlıha, Shemonaıha, Úrjar, Zaısan) baqylaý-ótkizý pýnktterinde Qazaqstan Respýblıkasynyń Memlekettik shekarasy arqyly temirjol, teńiz, ózen boıyndaǵy ótkizý pýnktterinde 4 sanıtarlyq beket ornatylsyn;
Osy qaýlynyń 2-qosymshasynda kórsetilgen ári rastaıtyn qujattardy kórsetken adamdardy qospaǵanda, azamattardyń oblystyń aýmaǵyna (aýmaqtaryna) kelýine/shyǵýyna tyıym salynsyn.
Erekshe jaǵdaılarda sanıtarlyq posttardan adamdardyń jekelegen sanattaryna shyǵýǵa jáne kirýge ruqsat, osy qaýlyda kórsetilgen sanattardy qospaǵanda, ruqsat etýshi qujat qalanyń/aýdannyń jergilikti atqarýshy organynyń sheshimi boıynsha berilýi múmkin.
Qaýly 23 mamyrda kúshine enedi jáne onyń resmı kúshi joıylǵanǵa deıin qoldanysta bolady.
