«Osy jyldyń aqpan aıynan bastap Qazaqstan reseılik «Spýtnık V» preparatymen halyqty belsendi túrde vaksınasııalaýda. Reseıdiń kómegi arqasynda bul preparattyń óndirisi bizdiń elde de jolǵa qoıyldy. Bul tabysty ǵylymı jáne óndiristik yntymaqtastyqtyń jarqyn mysaly. Mundaı tájirıbeni basqa salalarda engizý jáne keńeıtý ábden múmkin», dedi Qasym-Jomart Toqaev Joǵary Eýrazııalyq ekonomıkalyq keńestiń otyrysynda sóılegen sózinde.
Sondaı-aq Memleket basshysy Otandyq QazVac vaksınasynyń óndirilip jatqanyn alǵa tartty.
«Osylaısha, Qazaqstan óziniń vaksınasy bar on eldiń qataryna endi. Klınıkalyq zertteýler onyń tıimdiligi men qaýipsizdigin dáleldedi. Sonymen qatar barlyq boljamdarǵa sáıkes, kovıd aýrýy maýsymdyq sıpatqa ıe bolady. Vırýspen kúreste jetistikke jetýdiń kilti – halyqty ımmýndaý ekeni anyq. Biz osy saladaǵy yntymaqtastyq pen ózara árekettesýdi jalǵastyrý óte mańyzdy dep sanaımyz», dedi Qazaqstan Prezıdenti.
