«Bizge merzimi jetken problemany – ózara saýdadaǵy kedergini sheshý qajet. Lokdaýn kezeńinde olardyń sany artyp ketti. Ekonomıkalyq belsendilik qalpyna kelgennen keıin de ol ózdiginen joıylyp ketpeıtindigine qaýip te bar. Atalǵan shekteýler saýda-ekonomıkalyq qarym-qatynastyń damýyna zııanyn tıigizedi, odaqtyń ósimi men damý áleýetin shekteıdi», dedi Qazaqstan Prezıdenti.
QR Prezıdenti Qazaqstan odaqqa múshe basqa elder sııaqty naryqtyń barlyq qatysýshylary úshin teń jaǵdaılar jasaýdy jaqtaıtynyn aıtty.
«Komıssııanyń kedergilermen kúresi toqtaýsyz sıpatqa ıe. Biraq, bul jumysty erekshe tıimdi dep aıta almaısyń. Bul - ulttyq deńgeıde saldardy sheshýmen kúres. Osylaı aıtýǵa bolatyn bolsa, onda barynsha preventıvti odaqtyq pozısııany ekonomıkalyq ıntegrasııaǵa jaýapty mınıstrlikter bildirýi tıis dep sanaımyz. Atalǵan kedergiler men shekteýler engiziletin tıisti normatıvtik-quqyqtyq aktilerdi ázirleý kezeńinde qarsylyq bildirip, qorǵaý qajet. Bizge kedergilerdi monıtorıngileýdiń ulttyq júıesin qurý jáne odaqtyń ishki normatıvtik-quqyqtyq aktilerine sáıkestigin oılastyrý qajet. Bul rette de keńes, komıssııa músheleriniń, vıse-premerlerdiń, Úkimettiń róli úlken», dedi Qasym-Jomart Toqaev.
