Qazaqstan Prezıdentine óńirdiń áleýmettik-ekonomıkalyq damýynyń negizgi kórsetkishteri, jer qatynastaryna qatysty buǵan deıin berilgen tapsyrmalardyń oryndalýy, sondaı-aq, «Halyq únine qulaq asatyn memleket» tujyrymdamasynyń júzege asyrylýyn qamtamasyz etý, áleýmettik-kásipkerlik korporasııalarynyń jumystary, ınvestısııa tartý jáne Jaıyq transshekaralyq ózeniniń problemalary jóninde baıandaldy.
Qasym-Jomart Toqaevqa jergilikti jurtshylyqtyń bıýdjetten qarjylandyrylatyn jobalardyń júzege asyrylýyn baqylaýǵa, óńirdi sýmen jáne jylýmen qamtamasyz etýge, avtojoldar salýǵa jáne elektr jelilerin jańǵyrtýǵa qatysty máselelerdi sheshýge atsalysyp jatqany týraly málimet berildi.
Memleket basshysy óńirdiń et ónimderin ulǵaıtýǵa jáne osy salada elimizdiń álemdik naryqtaǵy ornyn nyǵaıtýǵa múmkindigi bar ekenin atap ótip, ákimdiktiń Batys Qazaqstan oblysynda mal sharýashylyǵyn damytýdyń ǵylymı-óndiristik bazasyn qurý jónindegi josparyn qoldady.
Prezıdent Oralda mashına jasaý salasynyń tehnıkalyq jáne kadrlyq áleýetin saqtaý qajet ekenine nazar aýdaryp, Ǵalı Esqalıevke demografııalyq qaýipti azaıtý, jańa jumys oryndaryn ashý jáne ınvestorlardy qoldaý jóninde mindet júktedi.
Memleket basshysy ár óńirdiń ereksheligin eskere otyryp, bıýdjetti ádil bólýdiń, bıýdjetaralyq qatynastardyń tıimdi tetigin engizýdiń mańyzdylyǵyn aıtty. Onyń aıtýynsha, oblystar salyqtan túsetin qarjyny jergilikti deńgeıde qalaı jumsaý kerek ekenin anyq túsinýge tıis.
