Sý tapshylyǵynyń aldyn alý qamy jasaldy

– Búginde Syrdarııa ózeniniń aǵysyn retteıtin Naryn-Syr­da­rııa sý qoımalaryndaǵy sý kóle­mi ótken jyldan 2 mlrd tekshe metrge kem. Shardaraǵa túsip jat­qan sýdyń mardymsyzdyǵy da eldi alańdatýda. Bıyl oblys boıynsha 188,2 myń gektarǵa aýyl sharýashylyǵy daqylyn egý josparlanǵan. Onyń ishinde kúrish kólemi ótken jyldan qys­qar­tylyp, 84,4 myń gektarǵa tústi. Biraq sonyń ózin egý men sýǵa bastyrý jaǵdaıy asa kúr­deli bolyp otyr. Sý tap­shy­­lyǵynyń aldyn alý úshin Sý resýrstary komıteti men oblys ákimdiginiń birlesken is-sharalar jospary bekitildi. Sý alý rejimderiniń kestege saı oryn­dalýyna monıtorıng júr­gi­zetin top qurylyp, jumys júrgizilýde, – dedi Gúlshara Naýshaqyzy.

Vıse-mınıstr S.Qojanııazov Syrdarııa sýyn molaıtý maq­sa­tynda halyqaralyq keli­sim­sharttar aıasynda júzege asyp jatqan bastamalar týraly aıtyp ótti. Darııa arnasyna sý bó­le­tin alyp aıdyn Toqtaǵul sý qoımasynda 2018-2019 jyldary 18 mlrd tekshe metr sý bolsa, bıylǵy kólem – 8,7 mlrd tekshe metr. Sý tapshylyǵy – transshekaralyq ózen boıyn­da­ǵy barlyq memleketke ortaq problema. Halyqaralyq keli­sim­der negizinde Qazaqstan mamyr aıynyń sońyna deıin Qyr­ǵyz­stan­ǵa 370 mln kVt saǵat elektr energııasyn berýdi josparlap otyr. Qyrǵyz eli bul elektr qýa­tyn tamyzda qaıtaryp, jazda 370 mln tekshe metr sý jiberedi. Osyn­daı kelisim Tájikstan mem­le­ketimen de júrgizilýde. Osy el aýmaǵyndaǵy Qaıraqqum sý qoımasynan maýsym, shilde aıla­ryn­da Syrdarııaǵa qosymsha 300-400 mln tekshe metr sý alý úshin olarǵa qajetti tehnıka, janar-jaǵarmaı beriledi.

– Syrdarııadaǵy ortaq sýdy bó­lisý úshin 4 memleket ókil­de­ri­nen komıssııa bekitilip, jylyna 2 márte kezdesý ótkizilip turady. Komıssııanyń sońǵy otyrysynda О́zbekstandaǵy Syrdarııa bas­seındik sý sharýashylyǵy uıy­myna bizdiń elden ókilder jiberýge ýaǵdalastyq. Buryn ózendegi sýdyń bólinisin baqy­laı­tyn bul mekeme jumysyna ara­laspaıtynbyz. Sý tapshy­ly­ǵynan qazir Ándijan sý qoıma­synan Qaradarııa arqyly Syrǵa tú­se­tin, Sharbaqtyń aıdynynan Shyrshyqqa tastalatyn lımıt­terdi de baqylaýdy qolǵa aldyq, – deıdi Ekologııa, geologııa jáne tabı­ǵı resýrstar mınıstriniń oryn­basary.

Jıynda Aral-Syrdarııa bas­seın­dik ınspeksııasynyń bas­shysy Seıilbek Nurymbetov, «Qazsýshar» respýblıkalyq mem­le­kettik kásiporny Qyzylorda fı­lıalynyń dırektory Hamıt Bıimbetov sý tapshylyǵynyń zardabyn azaıtý baǵytynda jasalyp jatqan jumystar jaıly habarlama jasady. Eldi mekenderdi sýmen qamtamasyz etý maqsatynda uzyn­dyǵy 45 shaqyrym bola­tyn 8 kanalǵa oblystyq bıýd­jet­ten qarjy bólinip, tıisti ju­mys­tar atqarylýda. Sonymen birge oblystyq bıýdjet qar­jy­syna aýyl­dar úshin 43 sorǵy qon­dyr­ǵysyn satyp alý belgi­le­nip, qazir sonyń 8-i jetkizilgen.

Selektorlyq májiliste ob­lys­­tyq aýyl sharýashylyǵy bas­­qar­masy basshysynyń oryn­basary Aınur Tileýleeva sý tap­shy­lyǵyna baılanysty egisti ártaraptandyrý qolǵa alyn­ǵanyn jetkizdi. О́zi az sýdy ysyrapsyz paıdalaný úshin bıyl jer­gilikti seleksııa arqyly ón­di­riske engizilgen erte pise­tin kúrish suryptary egildi. О́tken jylmen salystyrǵanda kúrish kólemi 5,1 myń gektarǵa qysqartylyp, onyń ornyna sýdy az qajet etetin ártaraptandyrý daqyldaryna basymdyq berilip otyr.

Bıyl 84,4 myń gektarǵa egiledi dep mejelengen basty ónimniń kólemi áli de qysqarýy múmkin. Sharýalar arasynda júrgizilgen túsindirme jumystarynan keıin Qarmaqshy, Jańaqorǵan aýdan­da­ry taǵy da azaıtylatyn kú­rish alqaptarynyń kólemin naq­ty­lady. Selektorlyq jıynda aýdan basshylary, sý sharýashylyǵynyń mamandary egistiń barysy, sýmen qamtý ja­ıyn­da habarlama jasady.

Jıyndy qorytyndylaǵan G.Ábdiqalyqova Ekologııa, geologııa jáne tabıǵı resýrstar mı­nıs­trligine vegetasııalyq ke­zeń­de Shardara sý qoımasyna joǵarydan 2,7 mlrd tekshe metr sýdyń túsýin qamtamasyz etý jóninde usynysyn jetkizdi.

Qyzylorda oblysy