Elena Sákenova «О́zin ózi taný» rýhanı-adamgershilik bilim berý baǵdarlamasynyń avtory Sara Alpysqyzy Nazarbaevanyń quttyqtaý sózi men túlekterge arnalǵan ósıetterin oqyp berdi.
Sara Alpysqyzynyń quttyqtaýynda: «adamı tutastyqtyń ishki negizi – jalpyadamzattyq qundylyqtar. Olar adamda rýhanı tazalyqtyń, súıispenshiliktiń, qurmettiń ushqynyn tutatady jáne osy ushqyn arqyly júrekte ómirdegi basty basymdyqtardyń: rýhanılyqtyń, adamgershiliktiń, patrıotızmniń alaýy tutanady» delingen.
«О́zin ózi taný» baǵdarlamasynyń avtory túlekterdiń óz eliniń adamgershiligi joǵary, bilimdi jáne baqytty azamaty bolýǵa tilektestik bildirdi.
Elena Sákenova Sara Alpysqyzy ózin ózi taný, úılesimdi damý jáne árqaısymyzdyń tolyqqandy ózin ózi júzege asyrý úshin barlyq jaǵdaıdy jasaǵanyn atap ótti. «Adam baqyty men ómirlik sáttiliktiń syry ózimen úılesimde, tabıǵatpen úılesimde, qoǵammen úılesimde ekenin bilemiz», dep túlekterge izgi nıetin bildirdi.
«О́zin ózi taný» gımnazııasynyń túlekteri Sara Alpysqyzyna, «Bóbek» UǴPBBSO-nyń ujymyna, muǵalimderge jyly lebizderin joldap, «О́zin ózi taný» páni úshin shyn júrekten alǵysyn bildirdi. Sodan keıin mektep bitirýshilerge arnalǵan sońǵy qońyraý soǵyldy.
