Aleksandr mektepti támamdaǵan soń úsh túrli tehnıkalyq mamandyq boıynsha bilim alǵan. 8 jyldan beri Qostanaı avtojol kolledjinde sabaq berip júr.
– Men ishten janatyn qozǵaltqyshtyń qyr-syryn, onyń artyq-kem tustaryn jaqsy bilemin. Degenmen elektr motorlary men kúnnen qýat alatyn panelder bala kezimnen erekshe qyzyqtyratyn. Jalpy, elektrtransporttar týraly tanym-túsinigim qazirshe teorııalyq deńgeıde ǵana. О́ıtkeni bul salaǵa qatysty neshe túrli pikir bar, olardyń birazy bir-birine kereǵar kelip jatady. Sondyqtan elektrqozǵaltqysh pen balamaly qýat kózderiniń kemshin jaqtary men basym tustaryn jete túsiný maqsatynda óz qolymmen elektrmoped qurastyryp shyǵýdy jón sanadym, – deıdi Aleksandr.
Jas oqytýshy elektr mopedin tórt jyl ishinde qurastyryp shyǵypty. Oǵan bir jaǵynan qarjy tapshylyǵy kedergi bolsa, ekinshi jaǵynan keıbir tehnıkalyq máselelerdiń týyndaýy sebep bolsa kerek. О́nertapqysh eki aıaqty kóligin ózi turatyn páterde qurastyryp shyqqan. Aıtýynsha, mopedtiń motoryn Almatydan, qańqasyn Máskeýden, aldyńǵy dońǵalaǵyn Tolıattıden aldyrǵan. Birsypyra bólshekti ınternet-saıttar arqyly satyp alypty. Qoldan qurastyrylǵan elektr kóliginiń jyldamdyǵy saǵatyna 72 shaqyrymǵa deıin barady. Balamaly qýat kózimen júretin moped 120 kıloǵa deıin júk kótere alady.
– Bul mopedtiń qosalqy bólshekteriniń túgelge jýyǵyn satyp aldym, jańadan eshteńe oılap tabýdyń qajeti joq. Biraq keıbir jerlerin ózimshe oılastyryp jasap shyǵýǵa týra keldi. Mysaly, elektr symdaryn ózim júıeledim, elektr blogyn ózim jınap shyqtym. Bul júıe 72 Voltqa eseptelgen, – dedi Aleksandr.
Qostanaılyq ónertapqysh erekshe jobasyn túbegeıli aıaqtap, kóligin synaqtan ótkizý úshin ózi tapsyrys bergen lıtıı-temir-fosfatty qýattandyrǵyshtyń kelýin kútip otyr.
Qostanaı oblysy
