Nur Otan partııasynyń qalalyq fılıal ǵımaratynda ótken qabyldaýda turǵyndar negizinen kommýnaldyq, áleýmettik máseleler jaıly aıtty.
Turǵyndardyń ótinish-tilegin shahar basshysy muqııat tyńdap, ár azamatqa jeke ýaqyt bóldi. Sondaı-aq, qabyldaýda kóterilgen túıtkildi máselelerdiń túıinin tarqatýǵa erekshe nazar aýdaryp, kez kelgen saýaldyń zań aıasynda jedel sheshilýine basymdyq berdi. Tıisinshe jaýapty sala basshylaryna birqatar tapsyrmalar berip, máseleniń sheshilýi men tapsyrmanyń oryndalý barysy óz baqylaýynda bolatyndyǵyn jetkizdi.
Kezdesýdegi kóp suraýynyń biri baspana jaıy. Bul máselede qala ákimi turǵyn úı berý tek qoldanystaǵy zań aıasynda rettelip, kezek retimen tabystalatyndyǵyn túsindirip, kúz aılarynda sol jaǵalaýdan 680 páter muqtaj azamattarǵa kezek retimen beriletindigin atap ótti.
