О́ner • 27 Mamyr, 2021

Elorda sahnasynda – «Karmen»

29 jáne 30 mamyrda «Astana Opera» teatrynyń jetekshi solısi Meıir Baınesh alǵash ret J.Bızeniń «Karmen» operasyndaǵy Don Hozeniń partııasynda Úlken zal sahnasyna shyǵady.

Aıa О́MIRTAI

Al Mıkaela rólin alǵashqy kúni Qazaqstannyń eńbek sińirgen qaıratkeri Jamıla Djarkımbaeva somdasa, kelesi kúni opera trýppasynyń solısi Aıgúl Nııazova ózindik ınterpretasııasymen kópshilik nazaryna usynbaq. Qyzýqandy ári erkindikke jany qumar syǵan qyzy Karmenniń bas partııasyn Qazaqstannyń eńbek sińirgen qaıratkeri Dına Hamzına men Tatıana Vısınskaıa oryndaıdy. Toreador Eskamılonyń beınesin Qazaqstannyń eńbek sińirgen qaıratkeri Talǵat Musabaev pen jýyrda ǵana teatrdyń opera trýppasyn tolyqtyrǵan solıst Rasýl Jarmaǵambetov somdaıdy.

Oqıǵa HIH ǵasyrdyń birinshi jartysyndaǵy Ispanııada órbıdi. Munda sulý, sylqym, erkin syǵan qyzy Karmen temeki fabrıkasyndaǵy jumyskerler arasynan birden kózge túsedi. Bastapqy shyǵarmadan ózgeshelik retinde Bıze keıipkeriniń minezin jaqsy jaqqa ózgertip, birbetkeıligi men erkindigine basa nazar aýdarylǵan. Lıbretto avtorlary opera áreketine beıneli halyq sahnalaryn engizgen. Ońtústiktiń ystyq kúni astyndaǵy qyzba qaýym, syǵan qyzdary men kontrabandashylardyń músinderi, buqa jarysynyń kóterińki kóńil kúıi Karmen, Hoze, Mıkaela men Eskamılonyń operadaǵy ózindik minezin, olardyń taǵdyrynyń dramatızmin ereksheleıdi. Lıbrettosyn Prosper Merımeniń attas áńgimesi boıynsha Anrı Melıak pen Lıýdovık Galevı jazǵan. Týyndynyń qoıýshy dırıjeri – teatrdyń bas dırıjeri, Qazaqstannyń eńbek sińirgen qaıratkeri, Memlekettik syılyq laýreaty Alan Bóribaev. Qoıýshy rejısser – Lorenso Amato, qoıýshy ssenograf – Esıo Frıdjerıo, kostıýmder boıynsha sýretshi – Franka Skýarchapıno, jaryq boıynsha sýretshi – Iаkopo Pantanı, proeksııalar boıynsha sýretshi – Serdjıo Metallı. Bas hormeıster – Qazaqstannyń eńbek sińirgen qaıratkeri Erjan Dáýitov. Qoıýshy rejısserdiń assıstenti – Erenbaq Toıkenov. Qoıýshy baletmeısterler – Elena Sherstneva, Qazaqstannyń eńbek sińirgen qaıratkeri Tursynbek Nurqalıev, jaýapty konsertmeıster, sınhron redaktory – Elena Sahno, balalar horynyń jetekshisi – Altynǵanym Ahmetova.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz