Bankterdiń onlaın platformasy ońtaıly ma?

Nesıesi bar adam bankpen ár kez baılanysta bolady. Aı saı­yn­ǵy tólemin jasaıdy, qaıta qar­jylandyrady, tólemin ke­shik­­tiredi, sol másele boıynsha bó­limshege barady, qońyraý sha­­lyp menedjerdiń bosaýyn kútedi. Áıteýir, taýsylmaıdy-aq. Oqystan kelgen pandemııa bizge qashyqtan aralasýdy úı­retti. Mundaıda bankter de klıent­pen qarym-qatynas fýnksııasyn jetildirip, mobıldi qo­symshalaryn damytýy tıis. Osy oraıda ekinshi deńgeıli bankterdiń onlaın qyzmetine sholý jasaǵandy jón kórdik.

Mobıldi bankıngtiń damýy ásirese, zańdy tulǵalar úshin asa qajet. Bıznesin saqtaý úshin ká­sipkerler jedel ári sapaly bank ónimin tutynǵysy keledi. Ekinshi deńgeıli bankterdiń mobıldi qosymshasyn Play Market jáne App Store júıesinen júktep alýǵa bolady. Ranking málimetinshe, mobıldi bankıng boıynsha eń úz­dik kórsetkish «Alfa-Bıznes Kazahstan» ónimine tıesili eken. «Alfa Bank» qosymshasyna Play Market-te 4,8 (barlyǵy 5), App Store-de 4,7 juldyz deńgeıi berilgen. Qosymsha arqyly azamat­tar banktiń shaǵyn jáne or­ta bızneske usynatyn barlyq ope­rasııasynyń 99 paıyzyn paı­dalana alady. Qoljetimdi fýnk­sııalar ishinde – shottardy basqarý, úzindi kóshirmeler men anyqtamalar alý, onlaın ne­sıeleý, barlyq tólemdi jú­zege asyrý, teńgelik jáne valıý­talyq operasııalar qyzmetteri bar. Ekinshi orynda 4,7 (Play Market) jáne 4,6 (App Store) jul­dyzben Jýsan Business (Jusan Bank) ornalasqan. Sondaı-aq qarjy ınstıtýtynda kontaktisiz tólemderge arnalǵan JPAY qo­symshasy da bar. Úshinshi orynda 4,4 jáne 4,1 juldyzben Kaspi Pay (Kaspi Bank).

SME Banking Club sarap­shylarynyń zertteýinshe, TMD men Kavkaz elderindegi bız­nes-klıentterge arnalǵan mo­bıl­di bank TOP-20-lyǵyna qazaq­standyq ekinshi deńgeıli 5 bank engen. Onda mobıldi qo­symshalardyń AppStore men Play Market-tegi baǵasy, júktelý men pikir sany eskerilgen. Úzdikter qataryna kirgen qazaqstandyq qarjy ınstıtýttary – «Alfa-Bank», «Bank SentrKredıt», «Sberbank», «ATF Bank» jáne Halyk Bank.