«Bizdiń tarapymyzdan azamattardyń sýdaǵy qaýipsizdigin qamtamasyz etý jumystary júrgizilýde Búginde 65 eskertý taqtaısha ornatyldy. Qaıǵyly jaǵdaıdyń oryn alýynyń negizgi sebebi qaýipsizdik sharalaryn saqtamaýdan», dedi Medet Ýsaın.
Al tótenshelikter 54 súńgýir maman men tehnıkalyq quraldardy tekserýden ótkizgen. Mamandar sý aıdyndarynda 144 reıd uıymdastyryp, túsindirme jumystaryn júrgizipti. Jalpy oblysta sýǵa túsýge ruqsat etilgen 2 jaǵajaı bar. Olar «Syr samaly» jáne «Abaı» jaǵajaıy.
«Jyl basynan beri 14 adam sýǵa ketip, qaıtys boldy. Onyń 9-y kámeletke tolmaǵaǵandar. 25 mamyr kúni Qaraýyltóbe aýylyndaǵy Baıqadam kanalynda bir bala sýǵa qulap ketip, arada eki kún ótkennen keıin 800 metr qashyqtyqtan tabyldy», deıdi Qyzylorda oblysy TJD bastyǵynyń orynbasary Baýyrjan Izbasarov.
Oblys ákimi bıyl tıisti salalarǵa sýǵa shomylatyn jerlerdi anyqtap, komýnaldyq jaǵajaılar ashý jóninde tapsyrma bergen.
Brıfıngte oblystyq polısııa departamenti bastyǵynyń birinshi orynbasary Shamshıdın Ámıtov óz salasy boıynsha qaýiptiń aldyn alýda atqarylyp jatqan jumystar jaıly aıtty.
