«О́kinishke oraı, bul – bizdiń ulttyq tarıhymyzdyń qara jamylǵan, qaıǵymen jazylǵan náýbet kezeńin eske salady...
Tarıhshylardyń aıtýynsha, 100 myńnan astam adam qýǵyn-súrgin kórip, 25 myńy atylǵan. Neshe mıllıony ashtyqtan qyryldy, qanshasy shet elderge bas saýǵalady, otbasylary men jaqyndary qýdalaýǵa ushyrady. Degenmen, «ornynda bar ońalar» degen. Táýelsizdik alǵannan keıin elimiz tarıhymyzǵa baıypty baǵasyn berip, ádiletti qalpyna keltirýdiń laıyqty sharasyn jasap keledi. Táýelsizdiktiń 30 jyldyǵy aıasynda bıyl Memleket Basshysynyń tapsyrmasymen «Saıası qýǵyn-súrgin qurbandaryn tolyq aqtaý jónindegi Memlekettik komıssııa» quryldy. Endigi jerde, tarıhı qujattar jan-jaqty saralanyp, repressııa qurbandary aqtalýy tıis. Ásirese asharshylyqqa qatysty shynaıy aqıqat aıqyndalyp, bul náýbetti oqıǵanyń naqty tarıhı baǵasy berilý kerek. Tarıhı sana neǵurlym tereń bolǵan saıyn adam da, qoǵam da rýhanı baı bolady. Sondyqtan, tarıhı sanany qalyptastyrý tek shynaıy tarıhqa negizdelýi tıis. Ozbyrlyq ústemdik qurǵan, ult tarıhy qyl ústinde turǵan kezeńder tarıhynyń qaıta zerttelýi – álemdik tájirıbede bar zańdylyq, tarıhı ádildik.
Jazyqsyz japa shekkenderdiń rýhyna taǵzym etý – bizdiń búgingi boryshymyz, ony urpaq boıyna sińirý – paryzymyz! Qurbandardyń rýhy tynyshtalyp, jandary jaı tapsyn», dedi Aıda Balaeva.
